കോട്ടയം ഗ്രാമപഞ്ചായത്തിന്റെ 2026–27 വാർഷിക പദ്ധതിയുടെ ഭാഗമായി ആരംഭിച്ച കരനെൽ കൃഷിയിൽ വിത്ത് പാകുന്ന പ്രവർത്തനങ്ങൾ
പിണറായി: പ്രാദേശിക ഭക്ഷ്യസുരക്ഷ ഉറപ്പാക്കുന്നതിനും നെൽ ഉൽപ്പാദനം വർധിപ്പിക്കുന്നതിനുമായി കോട്ടയം ഗ്രാമപഞ്ചായത്തിന്റെ 2026–27 വാർഷിക പദ്ധതിയുടെ ഭാഗമായി കരനെൽ കൃഷിക്ക് തുടക്കമായി. പഞ്ചായത്തിലെ 30 സെന്റ് സ്ഥലത്താണ് കൃഷി ആരംഭിച്ചത്.
പൗർണമി ഇനത്തിലുള്ള നെൽവിത്താണ് കൃഷിക്കായി ഉപയോഗിച്ചിരിക്കുന്നത്. വി. ഷാജി, വി. വിമല, വനജ എന്നിവർ കൃഷിക്ക് നേതൃത്വം നൽകി. പഞ്ചായത്തിന്റെ കാർഷിക വികസന പ്രവർത്തനങ്ങളുടെ ഭാഗമായാണ് പദ്ധതി നടപ്പാക്കുന്നത്.
ഭക്ഷ്യവിള കൃഷി വ്യാപിപ്പിക്കുക, കൂടുതൽ കർഷകരെ നെൽകൃഷിയിലേക്ക് ആകർഷിക്കുക, പ്രാദേശികതലത്തിൽ ഭക്ഷ്യസുരക്ഷ ഉറപ്പാക്കുക എന്നീ ലക്ഷ്യങ്ങളോടെയാണ് പദ്ധതി ആവിഷ്കരിച്ചിരിക്കുന്നത്. കാർഷിക മേഖലയെ ശക്തിപ്പെടുത്തുന്നതിനും സ്വയംപര്യാപ്തത കൈവരിക്കുന്നതിനുമുള്ള പഞ്ചായത്തിന്റെ ശ്രമങ്ങളുടെ ഭാഗമായാണ് കരനെൽ കൃഷിക്ക് തുടക്കമായതെന്ന് ബന്ധപ്പെട്ടവർ അറിയിച്ചു.ഫോട്ടോ ക്യാപ്ഷൻ:
കോട്ടയം ഗ്രാമപഞ്ചായത്തിന്റെ 2026–27 വാർഷിക പദ്ധതിയുടെ ഭാഗമായി ആരംഭിച്ച കരനെൽ കൃഷിയിൽ വിത്ത് പാകുന്ന പ്രവർത്തനങ്ങൾ.
ഒരു അഭിപ്രായം പോസ്റ്റ് ചെയ്യൂ