പിണറായി>
കൊവിഡ് പോരാളികൾക്ക് ആദരമായി സുരക്ഷാ സാമഗ്രികൾ കൈമാറി. സാന്ത്വനം ചാരിറ്റബിൾ സൊസൈറ്റി പിണറായി, തലശ്ശേരി ലയൺസ് ക്ലബ് എന്നിവയുടെ നേതൃത്തത്തിലാണ് സുരക്ഷാ ഉപകരണങ്ങൾ ഉൾപ്പെടുന്ന കിറ്റ് നൽകിയത്.
പ്രതിരോധ പ്രവർത്തനങ്ങളിൽ മാതൃകാപരമായി ഇടപെടുന്ന പിണറായി ഗ്രാമപഞ്ചായത്ത്, ഐആർപിസി, സിഎഫ്എൽടിസി പിണറായി, പിണറായി പൊലിസ് സ്റ്റേഷൻ എന്നിവിടങ്ങളിലെ കൊവിഡ് പോരാളികൾക്ക് പൾസ് ഓക്സി മീറ്റർ, മാസ്‌ക്, സാനിറ്റൈസര്‍, ഗ്ലൗസ്, ഫെയ്സ് ഷീൽഡ് തുടങ്ങിയവയാണ് വിതരണം ചെയ്തത്.
പിണറായി കൺവെൻഷൻ സെൻ്ററിൽ നടന്ന ചടങ്ങിൽ ലയൺസ് ക്ലബ്ബ് ഡിസ്ട്രിക്ട് വൈസ് ഗവർണർ ടി കെ രജീഷ് കിറ്റുകൾ കൈമാറി. മുഖ്യമന്ത്രിയുടെ മണ്ഡലം പ്രതിനിധി പി ബാലൻ ഏറ്റുവാങ്ങി.
സാന്ത്വനം ചാരിറ്റബിൾ സൊസൈറ്റി പ്രസിഡണ്ട് ടി പി രാജീവൻ അധ്യക്ഷനായി. ചടങ്ങിൽ മുഖ്യമന്ത്രിയുടെ വാക്സിൻ ചലഞ്ചിലേക്ക് സാന്ത്വനം ചാരിറ്റബിൾ സൊസൈറ്റി നൽകുന്ന പതിനായിരം രൂപ സെക്രട്ടറി വത്സൻ പനോളി കൈമാറി.
പിണറായി ഗ്രാമപഞ്ചായത്ത് പ്രസിഡണ്ട് കെ കെ രാജീവൻ, പിണറായി പോലീസ് സബ് ഇൻസ്പെക്ടർ പിപി ബാലകൃഷ്ണൻ, തലശ്ശേരി ലയൺസ് ക്ലബ് പ്രസിഡണ്ട് രാഗേഷ് കരുൺ, ഇ ജിതേഷ്, കക്കോത്ത് രാജൻ, സ്മിത് ലാൽ, രാജൻ മാസ്റ്റർ എന്നിവർ സംസാരിച്ചു.
ഒരു അഭിപ്രായം പോസ്റ്റ് ചെയ്യൂ