ഒരു വീടിന്റെ ഏറ്റവും പ്രധാനപ്പെട്ട ഭാഗങ്ങളില്‍ ഒന്നാണ് അടുക്കള. അതിനാല്‍, എപ്പോഴും വൃത്തിയോടെ സൂക്ഷിക്കേണ്ട സ്ഥമാണിത്.
വീട്ടിലുള്ളവരുടെ ആരോഗ്യത്തിന്റെ കാര്യത്തിലും അടുക്കള പ്രധാന പങ്ക് വഹിക്കുന്നുണ്ട്. ഇവിടെ ലക്ഷ്‌മീ ദേവിയുടെ സാന്നിദ്ധ്യം ഉണ്ടെന്നാണ് വിശ്വാസം. അതിനാല്‍ അടുക്കളയില്‍ ചില തെറ്റുകള്‍ വരുത്താനേ പാടില്ല.
പഞ്ചഭൂതങ്ങള്‍ വിഹരിക്കുന്ന സ്ഥലമാണ് അടുക്കള. അതിനാല്‍, അഗ്നി, ജലം, വായു, ഭൂമി എന്നിവയെ തുല്യതയോടെ കണക്കാക്കേണ്ടതാണ്. തെക്ക് - പടിഞ്ഞാറ് ദിശയില്‍ അഗ്നി വരാൻ പാടുള്ളതല്ല. എങ്കില്‍ പിന്നെ ഒരിക്കലും വീട്ടില്‍ കലഹം ഒഴിയില്ല. അടുപ്പ് മാത്രമല്ല, മൈക്രോവേവ് ഓവൻ പോലുള്ള വസ്‌തുക്കളും തെക്ക് - കിഴക്ക് ദിശയില്‍ വേണം വയ്‌ക്കാൻ. കിഴക്കോട്ട് ദർശനമായി വേണം പാചകം ചെയ്യാൻ.
അഗ്നിയും ജലവും അടുത്തടുത്ത് വരാൻ പാടില്ല എന്നാണ് വിശ്വാസം. പൈപ്പ് വടക്ക് - കിഴക്ക് വരുന്നതാണ് ഏറ്റവും ഉത്തമം. വീടിന്റെ മുകളില്‍ ടാങ്ക് ഉണ്ടെങ്കില്‍ അത് പടിഞ്ഞാറ് മൂലയില്‍ തന്നെ വയ്‌ക്കാൻ പ്രത്യേകം ശ്രദ്ധിക്കുക. തെക്ക് - പടിഞ്ഞാറ് ദിശയാണ് വീട്ടില്‍ ഫ്രിഡ്‌ജ് വയ്‌ക്കാൻ ഉത്തമം. ഇങ്ങനെ വച്ചാല്‍ സമാധാനം വർദ്ധിക്കുമെന്നാണ് വിശ്വാസം. ധാന്യങ്ങള്‍ വീടിന്റെ തെക്ക് - പടിഞ്ഞാറ് ഭാഗത്ത് സൂക്ഷിക്കുന്നതാണ് ഉത്തമം.
ഇങ്ങനെയുള്ള ചെറിയ മാറ്റങ്ങള്‍ വരുത്തിയാല്‍ മതി നിങ്ങളുടെ ജീവിതത്തില്‍ ഇപ്പോഴുള്ള പല ബുദ്ധിമുട്ടുകളും മാറി ഐശ്വര്യവും സമൃദ്ധിയും വന്നുചേരുന്നതാണ്.
ഒരു അഭിപ്രായം പോസ്റ്റ് ചെയ്യൂ