നമ്മള്‍ പോലും അറിയാതെ ചില സമങ്ങളില്‍ ഉപദ്രവകാരികളായ പാമ്ബുകള്‍ നമ്മുടെ വീട്ടില്‍ കയറി വരാറുണ്ട്. എങ്ങനെയാണ് പാമ്ബ് വന്നതെന്ന് പലപ്പോഴും നമ്മള്‍ ഓർത്തുനിന്നുപോകും.
നിങ്ങളുടെ കെെയില്‍ നിന്ന് സംഭവിക്കുന്ന ചില അബദ്ധങ്ങളാണ് അതിന് കാരണം. വീട്ടുമുറ്റത്ത് നിറയെ പച്ചപ്പ് ഇഷ്ടപ്പെടുന്നവർക്ക് ചില ചെടികള്‍ പാമ്ബുകളെ ആകർഷിക്കുന്നുവെന്ന വിവരം അറിയില്ല. ഏതൊക്കെ ചെടികളാണ് പാമ്ബുകളെ ആകർഷിപ്പിക്കുന്നതെന്ന് നോക്കാം.
പുല്ലുകള്‍
പലരും വീടിന്റെ മുൻഭാഗത്ത് ചില പുല്ലുകള്‍ വളർത്താറുണ്ട്. പക്ഷേ പാമ്ബുകള്‍ക്ക് ഇഷ്ടപ്പെട്ട ഒളിയിടമാണ് പുല്ലുകള്‍. പൊങ്ങി നില്‍ക്കുന്ന പുല്ലുകള്‍ പാമ്ബുകള്‍ക്ക് ശരീര ഊഷ്മാവ് നിലനിർത്താനും വേട്ടയാടുന്നതിനുമുള്ള സുരക്ഷിതമായ ഇടമാണ്. അതിനാല്‍ പുല്ലുകള്‍ വീട്ടിന് ചുറ്റും വളർത്തുന്നത് കൂടുതലും ഒഴിവാക്കുക. അങ്ങനെ വളർത്തുകയാണെങ്കില്‍ അവയില്‍ ഒരു ശ്രദ്ധ വയ്ക്കുക. മുറ്റം എപ്പോഴും വൃത്തിയായി സൂക്ഷിക്കണം.
വള്ളിച്ചെടികള്‍
മുറ്റത്ത് പടർന്നുവളരുന്ന ചെടികള്‍ (വള്ളിച്ചെടികള്‍) പാമ്ബുകള്‍ക്ക് ഇഷ്ടപ്പെട്ട ഒളിയിടങ്ങളാണ്. ചില വള്ളിച്ചെടികളില്‍ മറ്റ് ജീവിക ഉണ്ടാകും ഇതിനെ പിടിക്കാൻ പാമ്ബ് ഈ ചെടികള്‍ക്ക് ചുറ്റും വരാറുണ്ട്.
മുല്ല
വീടിന്റെ മുറ്റത്ത് പലരും നട്ടുപിടിപ്പിക്കുന്ന ചെടിയാണ് മുല്ല. ഗന്ധമുള്ള ഈ ചെടിക്ക് ചുറ്റും പല ജീവികളും വരാറുണ്ട്. ഇവയെ പിടിക്കാൻ പാമ്ബുകളും എത്താറുണ്ട്. അതിനാല്‍ ഇത്തരം ചെടികള്‍ വീടിനോട് ചേർത്ത് നട്ടുവളർത്തരുത്.
ഒരു അഭിപ്രായം പോസ്റ്റ് ചെയ്യൂ