ആശുപത്രിയില്‍ ക്രൂര ബലാത്സംഗത്തിനിരയായി നാലു പതിറ്റാണ്ട് കോമയില്‍;

 നടുക്കത്തോടെയല്ലാതെ ഓര്‍ക്കാനാകില്ല നഴ്‌സ് അരുണ ഷാണ്‍ബാഗ് എന്ന നഴ്‌സിനെ 

ന്യൂഡല്ഹി

മരുന്ന മണക്കുന്ന ഇരുണ്ട ആശുപത്രി ഇടനാഴിയില് വെച്ച്‌ അതിക്രൂരമായ ബലാത്സംഗത്തിന് ഇരയായ പെണ്കുട്ടി.

ജീവിതത്തിനും മരണത്തിനുമിടയില് അവള് കിടന്ന നാല് പതിറ്റാണ്ട്. കൊല്ക്കത്തയിലെ ഡോക്ടറുടെ ബലാത്സംഗക്കൊല നമ്മെ ഒരിക്കല് കൂടി അവരെ ഓര്മിപ്പിക്കുന്നു. ജീവിതത്തെ കുറിച്ചുള്ള സ്വപ്നങ്ങളൊക്കെയും ഒറ്റരാത്രിയില് തകര്ക്കപ്പെട്ട അരുണ ഷാണ്ബാഗ് എന്ന നഴ്സിനെ.

ആശുപത്രിയിലെ അറ്റന്ഡറുടെ ക്രൂരമായ ലൈംഗിക ആക്രമണത്തിനിരയായി 42 വര്ഷം കോമ അവസ്ഥയില് കഴിഞ്ഞ മുംബൈയിലെ നഴ്സ് അരുണ ഷാന്ബാഗ് വിസ്മൃതിയിലേക്ക് പോകുന്നതിനിടെ ആ പേര് ഒരിക്കല്കൂടി വാര്ത്തകളിലിടം പിടിച്ചിരിക്കുകയാണ്. കൊല്ക്കത്തയില് വനിതാ ഡോക്ടര് പീഡനത്തിനിരയായി കൊല്ലപ്പെട്ട കേസ് പരിഗണിക്കവേ സുപ്രിംകോടതി ചീഫ്ജസ്റ്റിസ് ഡി.വൈ ചന്ദ്രചൂഡ് ആണ് അരുണയെ ഓര്മിപ്പിച്ചത്.

''സമൂഹത്തില് ആഴത്തില് വേരൂന്നിയ പുരുഷാധിപത്യ പ്രവണതകള് കാരണം വനിതാ ഡോക്ടര്മാര് കൂടുതലായി ലൈംഗിക ആക്രമണത്തിനിരയാകുന്നു. സ്ത്രീകള് തൊഴിലിടങ്ങളിലെത്തുമ്ബോള് കാര്യങ്ങള് മാറാന് രാജ്യത്തിന് മറ്റൊരു ബലാത്സംഗത്തിനായി കാത്തിരിക്കാനാവില്ല. ആശുപത്രികള്ക്കുള്ളില് മെഡിക്കല് പ്രൊഫഷണലുകള്ക്കെതിരായ ഭീകരമായ ആക്രമണങ്ങളില് ഒന്നാണ് അരുണാ ഷാന്ബാഗിനെതിരേ നടന്നത്. ദയാവധത്തെക്കുറിച്ചുള്ള ദേശീയ സംവാദങ്ങള്ക്ക് കാരണമായ കേന്ദ്രബിന്ദുവായി മാറിയ കേസായി പിന്നീട് അത് ചീഫ്ജസ്റ്റിസ് പറഞ്ഞു.

നഴ്സിങ് പ്രൊഫഷന് പാഷനായിക്കണ്ടാണ് അരുണഷാന്ബാഗ് മുംബൈയിലെ കിങ് എഡ്വേര്ഡ് മെമ്മോറിയല് (കെ.ഇ.എം) ആശുപത്രിയില് ആണ് ജോലിയില് പ്രവേശിക്കുന്നത്. ജോലിയോട് എന്നും നീതി പുലര്ത്തുന്ന അനേകായിരം മാലാഖമാരില് ഒരാള്. 1973 നവംബര് 27ന് രാത്രി ആശുപത്രിയുടെ കാര്ഡിയോ വാസ്കുലാര് തൊറാസിക് സെന്ററിന്റെ ബേസ്മെന്റിലെ ഒരു മുറിയില് വെച്ച്‌ അവരുടെ ജീവിതം എന്നെന്നേക്കുമായി ഇല്ലാതാകുന്നു. രണ്ട് മുറികളാണ് അടുത്തടുത്തായി ആ ബേസ്മെന്റില് ഉണ്ടായിരുന്നത്. പരീക്ഷണാടിസ്ഥാനത്തില് നായ്ക്കള്ക്ക് കാര്ഡിയോ വാസ്കുലാര് സര്ജറി നടത്താനുള്ള ഡോഗ്സ് സര്ജറി റൂം. അടുത്ത് നഴ്സസ് ഡ്യൂട്ടി റൂമും. ഡോഗ് സര്ജറി നടത്തിയിരുന്നത് ടെറസില് സെറ്റ് ചെയ്ത ഡോഗ് ലാബില് ആയതിനാല് ആ സര്ജറി മുറി കൂടി താല്ക്കാലികമായി നഴ്സുമാരാണ് ഉപയോഗിച്ചിരുന്നത്.

അന്ന് ഡ്യൂട്ടി കഴിഞ്ഞ് ആ വൈകുന്നേരം നഴ്സിങ് വസ്ത്രം മാറുന്നതിനിടെ സോഹന്ലാല് വാല്മീകി എന്ന അറ്റന്ഡര് ഇവരെ അക്രമിച്ച്‌ ബലാത്സംഗം ചെയ്യുകയായിരുന്നു. നായയുടെ ചങ്ങല കൊണ്ട് കഴുത്ത് മുറുക്കിയതിനാല് മസ്തിഷ്ക ആഘാതം സംഭവിച്ച അരുണ അതുമുതല് 2015 മെയില് ഔദ്യോഗികമായി മരണത്തിന് കീഴടങ്ങും വരെ കോമയില് തുടര്ന്നു.

ആശുപത്രിയിലെ ഡോക്ടറുമായി വിവാഹം തീരുമാനിച്ചിരിക്കുകയായിരുന്നു അരുണ. 1973 മുതല് 2015 വരെ അതേ ആശുപത്രിയിലെ അത്യാഹിത വിഭാഗത്തില് വെന്റിലേറ്ററിന്റെ സഹായത്തോടെ ജീവന് നിലനിര്ത്തിയ അരുണയ്ക്ക് ദയാവധം അനുവദിക്കാന് സുപ്രിംകോടതി വരെ അപേക്ഷ എത്തിയെങ്കിലും സ്വാഭാവിക മരണത്തിന് വിടാനും അതുവഴി നാലുപതിറ്റാണ്ടിലേറെ ലൈംഗികകുറ്റകൃത്യത്തിന്റെ ജീവിക്കുന്ന ഇരയായി മാറ്റാനുമാണ് കോടതി തീരുമാനിച്ചത്.

മറ്റേതൊരു അതിജീവിതയുടെയും പേരും ചിത്രവും മറച്ചുവയ്ക്കപ്പെടുകയും സ്ഥിതിവിവരക്കണക്കായി വിസ്മൃതിയിലാകുകയും ചെയ്തെങ്കിലും, അരുണയുടെ പേരും ചിത്രവും ഇന്നും നമുക്ക് സുപരിചിതമാണ്. ദയാവധത്തിന് പോലും അനുമതിയില്ലാതെ ജീവിതത്തിനും മരണത്തിനും ഇടയില് ജീവിച്ച്‌ നരകിക്കേണ്ടി വന്ന അരുണ, പുരുഷ ലൈംഗികവൈകൃതങ്ങളുടെ പ്രതീകമായി മാറി. ആക്രമിക്കപ്പെടുമ്ബോള് 25 വയസ്സുണ്ടായിരുന്ന അരുണയുടെ മരണം സ്ഥിരീകരിക്കുമ്ബോള് പ്രായം 67.

ഉത്തര കന്നഡയിലെ ഹല്ദിപൂരില് കൊങ്കണി ബ്രാഹ്മണ കുടുംബത്തിലാണ് അരുണയുടെ ജനനം. അരുണയോടുള്ള പകയാണ് കൊടും ക്രൂരതയ്ക്ക് സോഹന്ലാലിനെ പ്രേരിപ്പിച്ചത്. അരുണയുടെ കേസ് മറ്റൊരു ക്രൂരതയായിരുന്നു. താത്കാലിക ജീവനക്കാരനായ സോഹന് പലപ്പോഴും അരുണയുമായി വഴക്കിട്ടു. ആശുപത്രി മാനേജ്മെന്റ് അംഗംകൂടിയായ ഡോ. സന്ദീപുമായി വിവാഹം ഉറപ്പിച്ചതോടെ പകകൂടി. കൃത്യത്തിന് ശേഷം അരുണയുടെ കഴുത്തിലെ സ്വര്ണമാലയും വാച്ചും പണവും സോഹന്ലാല് അപഹരിച്ചു. അടുത്തദിവസം തൂപ്പുകാരാണ് അബോധാവസ്ഥയിലായ അരുണയെ കണ്ടത്. പൊലിസില് അറിയിച്ചെങ്കിലും പീഡനവിവരം മറച്ചുവച്ചു. മോഷണശ്രമത്തിനിടെ കൊല്ലപ്പെട്ടതായി അവതരിപ്പിച്ചു. അതിനാല് കൊലപാതകശ്രമത്തിന് ഏഴുവര്ഷത്തെ ശിക്ഷയേറ്റുവാങ്ങി സോഹന്ലാല് പുറത്തിറങ്ങി. അപ്പോഴും ഇതൊന്നും അറിയാതെ അരുണ വെന്റിലേറ്ററില് തന്നെ.

അരുണയെ വിവാഹം ചെയ്യാനിരുന്ന ഡോ. സന്ദീപ് സര്ദേശായി നാല് വര്ഷക്കാലമാണ് അവര്ക്കൊപ്പം നിന്നത്. അവരൊരിക്കലും സാധാരണ ജീവിതത്തിലേക്ക് തിരിച്ചു വരില്ലെന്നറിഞ്ഞിട്ടും അയാള് അവര്ക്കൊപ്പം അവരോട് സംസാരിച്ചും വശേഷങ്ങള് പറഞ്ഞും നാലാണ്ടുകള് കൂടെ നിന്നു.

വര്ഷങ്ങള്ക്ക് ശേഷം സോഹന്ലാലിനെ പാര്പ്പി എന്ന ഗ്രാമത്തില് കണ്ടെത്തിയ അനുഭവം പത്രപ്രവര്ത്തകന് ധ്യാനേഷ് ചവാന് പറയുന്നുണ്ട്. വിവാഹിതനായി കുടുംബസമേതം ഇവിടെ ജോലിചെയ്ത് കഴിയുകയായിരുന്നു സോഹന്. കാലത്തിന് കാവ്യനീതിയെന്ന ഒന്നുണ്ട്. അതുശരിയായതിനാലാകണം സോഹന്ലാല് പിന്നീട് എയ്ഡ്സ് ബാധിച്ച്‌ മരിച്ചെന്നാണ് റിപ്പോര്ട്ട്.