ജോലി ഒഴിവ്/ വിദ്യാഭ്യാസം/ സീറ്റ് ഒഴിവ്/ വിവിധ അറിയിപ്പുകൾ/ ക്വട്ടേഷൻ/ ലേലം.

ഇൻസ്പെയർ-മനാക് 2024-225 അവാർഡ്: നാമനിർദേശം സമർപ്പിക്കാം

കേന്ദ്ര ശാസ്ത്ര സാങ്കേതിക വകുപ്പ് നടപ്പിലാക്കുന്ന ഇൻസ്പെയർ-മനാക് 2024-225 അവാർഡിന് നാമനിർദേശം സമർപ്പിക്കാം. ആറ് മുതൽ പത്ത് വരെയുള്ള 10 മുതൽ 15 വയസ് വരെ പ്രായമുള്ള വിദ്യാർഥികളിൽനിന്ന് നൂതന ആശയങ്ങൾ ക്ഷണിക്കുന്നതിനാണ് ഇൻസ്പെയർ-മനാക്  വഴി ലക്ഷ്യമിടുന്നത്. നാമനിർദ്ദേശങ്ങൾ സമർപ്പിക്കാനുള്ള വെബ്‌പോർട്ടൽ https://inspireawards-dst.gov.in.
സ്‌കൂളുകൾക്ക് സെപ്റ്റംബർ 15 വരെ നാമനിർദേശം സമർപ്പിക്കാം.

സെൻസിറ്റൈസേഷൻ പ്രോഗ്രാം

ചോല കെ പി ഗ്രാന്റ് പ്രൊജക്റ്റ്, മൈസൂർ ആശോദയ സമിതി എന്നിവ സംയുക്തമായിസ്ത്രീ ലൈംഗിക തൊഴിലാളികൾക്ക് സെൻസിറ്റൈസേഷൻ പ്രോഗ്രാം സംഘടിപ്പിച്ചു. വുമൺ പ്രൊട്ടക്ഷൻ ഓഫീസർ പി സുലജ പരിപാടി ഉദ്ഘാടനം ചെയ്തു. ചോല കെ പി ഗ്രാന്റ് ടീം ലീഡർ  മുനീറ അധ്യക്ഷത വഹിച്ചു. കണ്ണൂർ ടൗൺ  പോലീസ് സ്റ്റേഷൻ എസ്‌ഐ കെ കെ സഹീഷ്, ലിജോ ജോൺ, കെ പി ഉമ്മർ, സുനിൽ കൂമാർ, മൈക്കിൾ, വൈശാഖ് എന്നിവർ സംസാരിച്ചു.

പാരമ്പര്യേതര ട്രസ്റ്റി നിയമനം

പയ്യന്നൂർ, പെരിന്തട്ട വില്ലേജിലെ ശ്രീ മേച്ചിറ മേലൂക്കുളങ്ങര ഭഗവതി ക്ഷേത്രത്തിൽ മൂന്ന് പാരമ്പര്യേതര ട്രസ്റ്റിമാരുടെ ഒഴിവുകളിലേക്ക് അപേക്ഷ ക്ഷണിച്ചു. അപേക്ഷകൾ മലബാർ ദേവസ്വം ബോർഡ്, കാസർകോട് ഡിവിഷൻ നീലേശ്വരത്തെ അസി. കമ്മീഷണറുടെ ഓഫീസിൽ ആഗസ്റ്റ് 31 ന്  വൈകീട്ട് അഞ്ച് മണിക്ക് മുമ്പായി ലഭിക്കണം. അപേക്ഷാ ഫോറം മലബാർ ദേവസ്വം ബോർഡ് വെബ്‌സൈറ്റ്, നീലേശ്വരം അസിസ്റ്റന്റ് കമ്മീഷണറുടെ ഓഫീസ്, തളിപ്പറമ്പ് ഇൻസ്പെക്ടറുടെ ഓഫീസ് എന്നിവിടങ്ങളിൽ നിന്ന് ലഭിക്കും. 

ധനസഹായം

മറ്റു പിന്നാക്ക വിഭാഗങ്ങളിൽപ്പെട്ട (ഒ ബി സി) ഉദ്യോഗാർഥികൾക്ക് പിന്നാക്ക വിഭാഗ വികസന വകുപ്പ് മുഖേന ധനസഹായം നൽകുന്ന എംപ്ലോയബിലിറ്റി എൻഹാൻസ്മെന്റ് പ്രോഗ്രാം പ്രകാരം മത്സര പരീക്ഷകൾക്കുള്ള പരിശീലനം നടത്തുന്ന ഉദ്യോഗാർഥികൾ/വിദ്യാർഥികളിൽ നിന്നും അപേക്ഷ ക്ഷണിച്ചു. മെഡിക്കൽ /എഞ്ചിനീയറിംഗ് എൻട്രസ്, സിവിൽ സർവ്വീസ്, ബാങ്കിങ് സർവ്വീസ്, ഗേറ്റ്/മാറ്റ്, യു ജി സി നെറ്റ് / ജെ ആർ എഫ് പരീക്ഷകൾക്ക് വകുപ്പ് എംപാനൽ ചെയ്തിട്ടുള്ള സ്ഥാപനങ്ങളിൽ പരിശീലനം നടത്തുന്നവർക്ക് അപേക്ഷിക്കാം. www.egrantz.kerala.gov.in എന്ന പോർട്ടൽ മുഖേന ഓൺലൈനായി അപേക്ഷിക്കണം. അവസാന തീയതി സെപ്റ്റംബർ 15.  ഫോൺ : 0495 2377786
  
ഓവർസീസ് സ്‌കോളർഷിപ്പ്

സംസ്ഥാനത്തെ ഒ ബി സി വിഭാഗങ്ങളിൽ ഉൾപ്പെട്ട ഉന്നത പഠന നിലവാരം പുലർത്തി വരുന്ന വിദ്യാർഥികൾക്ക് വിദേശ സർവകലാശാലകളിൽ മെഡിക്കൽ / എഞ്ചിനീയറിംഗ് / പ്യൂവർ സയൻസ് / അഗ്രികൾച്ചർ/ സോഷ്യൽ സയൻസ് / നിയമനം /മാനേജ്മെന്റ് വിഷയങ്ങളിൽ ഉപരി പഠനം (പി ജി/പിഎച്ച്.ഡി കോഴ്സുകൾക്ക് മാത്രം) നടത്തുന്നതിന് പിന്നാക്ക വിഭാഗ വികസന വകുപ്പ് മുഖേന അനുവദിക്കുന്ന ഓവർസീസ് സ്‌കോളർഷിപ്പ് പദ്ധതി പ്രകാരം അപേക്ഷ ക്ഷണിച്ചു. കുടുംബ വാർഷിക വരുമാനം ആറ് ലക്ഷം രൂപയിൽ അധികമാകരുത്. ടൈംസ് ഹയർ എജുക്കേഷൻ ലോക റാങ്കിംഗ് പ്രകാരമുള്ള ആദ്യ 600 യൂണിവേഴ്സിറ്റികളിൽ ഏതെങ്കിലും ഒന്നിൽ പ്രവേശനം നേടുന്ന വിദ്യാർഥികൾക്കു മാത്രമേ സ്‌കോളർഷിപ്പിനു അർഹതയുണ്ടായിരിക്കൂ. www.egrantz.kerala.gov.in  എന്ന പോർട്ടൽ മുഖേന ഓൺലൈനായി അപേക്ഷ സമർപ്പിക്കണം. മാനദണ്ഡങ്ങളും നിർദ്ദേശങ്ങളും അടങ്ങിയ വിജ്ഞാപനം, യൂണിവേഴ്സിറ്റികളുടെ പട്ടിക എന്നിവ www.bcdd.kerala.gov.in, www.egrantz.kerala.gov.in എന്നീ സൈറ്റുകളിൽ ലഭ്യമാണ്. അവസാന തീയതി സെപ്റ്റംബർ 20. ഫോൺ : 0495 2377786.

സീറ്റൊഴിവ്

ചീമേനി അപ്ലൈഡ് സയൻസ് കോളേജിൽ ബികോം കമ്പ്യൂട്ടർ ആപ്ലിക്കേഷൻ, ബികോം കോ - ഓപ്പറേഷൻ, ബിഎസ്‌സി കമ്പ്യൂട്ടർ സയൻസ്, എംഎസ് സി കമ്പ്യൂട്ടർ സയൻസ്, എം കോം ഫിനാൻസ് എന്നീ കോഴ്‌സുകളിൽ ഏതാനും സീറ്റുകൾ ഒഴിവുണ്ട്. ഫോൺ: 8547005052, 9447596129.

ലേലം

കണ്ണൂർ ഗവ. ഐ ടി ഐ  കോമ്പൗണ്ടിൽനിന്ന് മുറിച്ചുമാറ്റിയ പ്ലാവിന്റെ ശിഖരങ്ങൾ-വിറകു കഷ്ണങ്ങളുടെ പരസ്യ ലേലം ആഗസ്റ്റ് 28 ന്  മൂന്ന് മണിക്ക് നടക്കും.  ഫോൺ : 0497 2835183

സീറ്റൊഴിവ്

പിണറായി ഗവ. ഐ ടി ഐയിൽ മെട്രിക് ട്രേഡുകളായ മെക്കാനിക്ക് മോട്ടോർ വെഹിക്കിൾ, ഇലക്ട്രീഷ്യൻ, ഫിറ്റർ എന്നീ ദ്വിവത്സര ട്രേഡുകളിലേക്ക് വനിതകൾക്കായി സംവരണം ചെയ്തതിൽ ഒഴിവുള്ള ഏതാനും സീറ്റുകളിലേക്ക് പ്രവേശനത്തിന് ഓഫ് ലൈനായി അപേക്ഷ ക്ഷണിച്ചു.  അവസാന തീയതി ആഗസ്റ്റ് 27 അഞ്ച് മണിവരെ. ഫോൺ: 0490 2384160

സീറ്റൊഴിവ്

സീപാസിന്റെ കീഴിൽ പത്തനംതിട്ട ചുട്ടിപ്പാറയിൽ പ്രവർത്തിക്കുന്ന സ്‌കൂൾ ഓഫ് അപ്ലൈഡ് സയൻസിൽ എം എസ്‌സി ഫിഷറി ബയോളജി ആൻഡ് അക്വാകൾച്ചർ (എം എസ് സി സുവോളജിക്ക് തുല്യം) കോഴ്‌സിൽ സീറ്റൊഴിവുണ്ട്. ബയോളജിക്കൽ സയൻസിൽ ഏതിലെങ്കിലും ഉള്ള ബിരുദമാണ് യോഗ്യത. സംവരണ വിഭാഗങ്ങൾക്ക് ഫീസിളവ് ലഭ്യമാണ്. ഫോൺ: 0468 2323957

സ്പോട്ട് അഡ്മിഷൻ

നെരുവമ്പ്രം അപ്ലൈഡ് സയൻസ് കോളേജിൽ ഒന്നാം വർഷ ബി എസ്‌സി കമ്പ്യൂട്ടർ സയൻസ്, ബി കോം കോ ഓപ്പറേഷൻ, ബികോം വിത്ത് കമ്പ്യൂട്ടർ ആപ്ലിക്കേഷൻസ്, ബി എ ഇംഗ്ലീഷ് വിത്ത് ജേണലിസം, എംകോം കോഴ്സുകളിൽ സ്പോട്ട് അഡ്മിഷൻ നടത്തുന്നും. താൽപര്യമുള്ളവർ ആഗസ്റ്റ് 23ന് മുൻപ് അസ്സൽ സർട്ടിഫിക്കറ്റുകളുമായി കോളേജ് ഓഫീസിൽ നേരിട്ട് ഹാജരാകേണ്ടതാണ്. എസ് സി, എസ് ടി, ഒ ഇ സി, ഒ ബി എച്ച്, ഫിഷർമാൻ വിദ്യാർഥികൾക്ക് ഫീസ് ആനുകൂല്യം ലഭിക്കുമെന്ന് പ്രിൻസിപ്പൽ അറിയിച്ചു.  ഫോൺ : 0497 2877600, 8547005059, 9567086541, 8281044016.

വനിതാ കമ്മിഷൻ അദാലത്ത്ആഗസ്റ്റ് 21ന് കണ്ണൂരിൽ

വനിതാ കമ്മിഷൻ ജില്ലാതല മെഗാ അദാലത്ത് ആഗസ്റ്റ് 21ന് രാവിലെ 10 മുതൽ കണ്ണൂർ കളക്ടറേറ്റ് ഓഡിറ്റോറിയത്തിൽ നടക്കും.

വനിതാ കമ്മിഷൻ പബ്ലിക് ഹിയറിംഗ് 22 ന് കണ്ണൂരിൽ

കേരള വനിതാ കമ്മിഷൻ ഈ മാസം 22ന് കണ്ണൂരിൽ പബ്ലിക് ഹിയറിംഗ് നടത്തും. നെയ്ത്ത് മേഖലയിലെ സ്ത്രീകളെ കാണാനും അവരെ കേൾക്കാനുമായാണ് വനിതാ കമ്മിഷൻ എത്തുന്നത്. ചിറയ്ക്കൽ സർവീസ് കോ-ഓപ്പറേറ്റീവ് ബാങ്ക് ഹാളിൽ രാവിലെ 10 ന് പബ്ലിക് ഹിയറിംഗ് ആരംഭിക്കും. ഈ മേഖലയിലെ വനിതാ തൊഴിലാളികൾ നേരിടുന്ന പ്രശ്നങ്ങൾ പഠിച്ച് റിപ്പോർട്ട് സർക്കാരിന് സമർപ്പിക്കും.

സീറ്റ് ഒഴിവ്

മാനന്തവാടി ഗവ. കോളേജിലെ എം എ ഇംഗ്ലീഷ്, എം എ ഡവലപ്പ്മെന്റ് ഇക്കണോമിക്സ് ബിരുദാനന്തര ബിരുദ പ്രോഗ്രാമുകളിൽ ഒഴിവുള്ള എസ് സി/എസ് ടി സീറ്റുകളിലേക്ക് പ്രവേശനം നേടാൻ ആഗ്രഹിക്കുന്ന ഈ വിഭാഗത്തിൽപ്പെടുന്ന വിദ്യാർഥികൾ ആഗസ്റ്റ് 22നകം കോളേജ് ഓഫീസിൽ നേരിട്ടെത്തി അപേക്ഷ സമർപ്പിക്കണം. അപേക്ഷയോടൊപ്പം കണ്ണൂർ യൂണിവേഴ്സിറ്റിയിൽ പി ജി ഓൺലൈൻ രജിസ്ട്രേഷൻ ചെയ്തതിന്റെ അപേക്ഷാ ഫോറം ഉള്ളടക്കം ചെയ്യുക. ഫോൺ : 9495647534, 9495618606

ഹിയറിങ് മാറ്റി

ഇരിട്ടി, തലശ്ശേരി ദേവസ്വം ട്രിബ്യൂണലിൽ ആഗസ്റ്റ് 21 ന് കലക്ട്രേറ്റിൽ നടത്താൻ നിശ്ചയിച്ച ദേവസ്വം പട്ടയ കേസുകളുടെ ഹിയറിങ് മാറ്റി. പുതിയ തീയ്യതി ഉടൻ അറിയിക്കുമെന്ന് ഡെപ്യൂട്ടി കലക്ടർ (ഡി എം) അറിയിച്ചു. ഫോൺ : 0497 2700645

ശിൽപശാല

എംപ്ലോയ്മെന്റ് എക്സ്ചേഞ്ചുകളിലൂടെ നടപ്പാക്കുന്ന സ്വയംതൊഴിൽ പദ്ധതികളെ സംബന്ധിച്ചുള്ള ശിൽപശാല ആഗസ്റ്റ് 24ന് രാവിലെ 10.30ന് തലശ്ശേരി സെയ്ദാർ പള്ളിയിലെ മുബാറക് ഹയർ സെക്കണ്ടറി സ്‌കൂളിൽ നടക്കും. സ്വയംതൊഴിൽ കണ്ടെത്താൻ താൽപര്യമുള്ളവർക്ക് പങ്കെടുക്കാം. ഫോൺ : 0490 2327923

ഐടിഐ സീറ്റൊഴിവ്

പന്ന്യന്നൂർ ഗവ. ഐടിഐയിൽ  വെൽഡർ, മെക്കാനിക്, മോട്ടോർ വെഹിക്കിൾ എന്നീ ട്രേഡുകളിൽ വനിതകൾക്കായി സംവരണം ചെയ്ത ഏതാനും സീറ്റുകൾ ഒഴിവുണ്ട്. യോഗ്യതയുള്ളവർ  ആഗസ്റ്റ് 23 നഖം ബന്ധപ്പെടുക. ഫോൺ: 0490 2318650.