പ്ലസ് വൺ പ്രവേശനം; ആവശ്യമായ സർട്ടിഫിക്കറ്റുകൾ ഇവയെല്ലാം

തിരുവനന്തപുരം
സംസ്ഥാനത്ത് പ്ലസ് വൺ ക്ലാസുകളിലേക്കുള്ള പ്രവേശന നടപടികൾ ആരംഭിച്ചു. ഏകജാലക സംവിധാനം വഴിയുള്ള അപേക്ഷ നൽകുന്നതിന് ആവശ്യമായതും പ്രവേശന നടപടികൾക്കായും ആവശ്യമായ രേഖകൾ എന്തെല്ലാമെന്ന് പരിശോധിക്കാം

ജാതി സർട്ടിഫിക്കറ്റ്
കേരള സിലബസിൽ (SSLC) പാസ്സ് ആയവർക്ക് അവരുടെ SSLC ബുക്കിൽ ജാതി രേഖപെടുത്തിയിട്ടുള്ളതിനാൽ അവർക്ക് പ്രത്യേകം ജാതി സർട്ടിഫിക്കറ്റ് വാങ്ങിക്കേണ്ടതില്ല, എന്നാൽ SSLC ബുക്കിൽ തെറ്റായ ജാതിയാണ് രേഖപ്പെടുത്തിയിരിക്കുന്നത് എങ്കിൽ അവർ ശരിയായ ജാതി  തെളിയിക്കുന്ന സർട്ടിഫിക്കറ്റ് വാങ്ങിക്കേണ്ടതാണ്.

CBSE,ICSE സിലബസിൽ പഠിച്ചവർ, അവരുടെ പത്താം ക്ലാസ്  സർട്ടിഫിക്കറ്റിൽ ജാതി രേഖ പെടുത്താത്തതിനാൽ പ്രത്യേകം ജാതി സർട്ടിഫിക്കറ്റ് വാങ്ങിക്കേണ്ടതാണ്.

OEC വിഭാഗത്തിൽപ്പെട്ടവർ ആണെങ്കിൽ അവർ ജാതി സർട്ടിഫിക്കറ്റും, വരുമാന സർട്ടിഫിക്കറ്റും വാങ്ങിക്കേണ്ടതാണ്.

EWS (ജനറൽ വിഭാഗത്തിൽ നിന്നും  സാമ്പത്തികമായി പിന്നോക്കം നിൽക്കുന്നവർ) വിഭാഗത്തിൽപ്പെട്ടവർ  വില്ലേജ് ഓഫീസിൽ നിന്നും EWS സർട്ടിഫിക്കറ്റ് വാങ്ങിക്കേണ്ടതാണ്

ഭിന്ന ശേഷിക്കാർ
ഭിന്നശേഷിക്കാർ ആയിട്ടുള്ള അപേക്ഷാർഥികൾ 40% ഭിന്നശേഷി തെളിയിക്കുന്ന മെഡിക്കൽ സർട്ടിഫിക്കറ്റ്  ഹാജരാക്കേണ്ടതും, IEDC   നടത്തുന്ന കൗൺസിലിൽ പങ്കെടുക്കുകയും ചെയ്യേണ്ടതാണ്

നേറ്റിവിറ്റി സർട്ടിഫിക്കറ്റ്
താമസിക്കുന്ന തദ്ദേശ സ്വയംഭരണസ്‌ഥാപനങ്ങളുടേയും , താലുക്കിൻ്റെയും പേരിൽ ബോണസ് പോയിൻ്റുകൾ ലഭിക്കുന്നവർ SSLC ബുക്കിൽ ആ വിവരങ്ങളുണ്ടെങ്കിൽ മറ്റ് സർട്ടിഫിക്കറ്റുകൾ ഹാജരാക്കേണ്ടതില്ല. അല്ലാത്ത പക്ഷം റേഷൻ കാർഡോ, നേറ്റിവിറ്റി സർട്ടിഫിക്കറ്റോ ഹാജരാക്കണം

NCC സർട്ടിഫിക്കറ്റ്
എൻ.സി.സി ക്ക് 75 ശതമാനം ഹാജരുണ്ടെന്ന എൻ.സി.സി ഡയറക്ടറേറ്റ് നൽകുന്ന സർട്ടിഫിക്കറ്റ് നിർബന്ധമാണ്.

രാജ്യപുരസ്കാർ /രാഷ്ട്ര പുരസ്കാർ സർട്ടിഫിക്കറ്റ്
പുരസ്‌കാർ ലഭിച്ചിട്ടുണ്ടെങ്കിൽ മാത്രം സ്കൗട്ട് വിഭാഗത്തിൽ ബോണസ് പോയിൻ്റിന് അർഹതയുണ്ടാകും

സ്റ്റുഡൻറ് പോലീസ് സർട്ടിഫിക്കറ്റ്
സ്റ്റുഡൻറ് പോലീസ് കേഡറ്റുകൾ A GO(No) No.214/2012/Home dated 04/08/2012 വിവക്ഷിച്ച മാതിരി SPC Project Kerala നൽകുന്ന സർട്ടിഫിക്കറ്റ്

ആർമി/നേവി/ എയർഫോഴ്‌സ്
എന്നീ സേനാവിഭാഗങ്ങളിലെ സർവീസിലുള്ള ജവാൻ ആശ്രിതർ എന്നുള്ളതിന് പ്രസ്തുത ജവാൻെറ സർവീസ് സർട്ടിഫിക്കറ്റ് ഹാജരാക്കണം. ആർമി/നേവി/ എയർഫോഴ്‌സ് എന്നീ സേനാവിഭാഗങ്ങളിൽ നിന്നും വിരമിച്ച എക്സസ് സർവീസ് ജവാന്റെ ആശ്രിതർ എന്നുള്ളതിന് സൈനിക വെൽഫയർ ബോർഡിൽ നിന്നുള്ള സർട്ടിഫിക്കറ്റ് ഹാജരാക്കണം

പത്താം ക്ലാസ്സിൽ  പഠിക്കുമ്പോൾ ക്ലബ് പ്രവർത്തനങ്ങളിൽ പങ്കാളികൾ ആയിട്ടുണ്ട് എങ്കിൽ ആയതിന്റെ  സർട്ടിഫിക്കറ്റ് നിങ്ങളുടെ 10-ാം ക്ലാസ് പഠിച്ച സ്കൂളിൽ നിന്നും  വാങ്ങിക്കണം

ആർട്സ്, സ്പോർട്സ്, മറ്റു എക്സ്ട്രാ കരിക്കുലർ ആക്ടിവിറ്റികളിൽ  പങ്കെടുത്തിട്ടുണ്ട് എങ്കിൽ അതിന്റെ  സർട്ടിഫിക്കറ്റുകൾ

ലിറ്റിൽ കൈറ്റ്സിൽ A  ഗ്രേഡ് നേടിയിട്ടുണ്ട്  എങ്കിൽ അതിന്റെ  സർട്ടിഫിക്കറ്റ്

LSS പരീക്ഷയിൽ യോഗ്യത നേടിയ വിദ്യാർത്ഥികൾ നിർദ്ദിഷ്ഠ മാതൃകയിൽ എ.ഇ.ഒ നൽകുന്ന സർട്ടിഫിക്കറ്റ് / LSS സർട്ടിഫിക്കറ്റ് ഹാജരാക്കണം.

USS പരീക്ഷയിൽ യോഗ്യത നേടിയ വിദ്യാർത്ഥികൾ പരീക്ഷാഭവനിൽ നിന്നും നൽകിയിട്ടുള്ള സർട്ടിഫിക്കറ്റ് ആണ് ഹാജരാക്കേണ്ടത്.

NMMSS പരീക്ഷയിൽ യോഗ്യത നേടിയ വിദ്യാർത്ഥികൾ റിസൾട്ട് പേജ് ഹാജരാക്കണം.

NB: പ്രത്യേക പരിഗണനക്കായി ഉൾപ്പെടുത്തുന്ന എല്ലാ വിവരങ്ങൾക്കും വേണ്ടുന്ന എല്ലാ  സർട്ടിഫിക്കറ്റിന്റെയും  വിവരങ്ങൾ ഓൺലൈൻ അപേക്ഷയിൽ ഉൾപ്പെടുത്തേണ്ടതുള്ളതിനാൽ എല്ലാ സർട്ടിഫിക്കറ്റുകളിലും സർട്ടിഫിക്കറ്റ് നമ്പറും തീയതിയും രേഖപ്പെടുത്തിയിട്ടുള്ളതായിരിക്കണം