കണ്ണൂർ
താഴെചൊവ്വയിലുണ്ടായ വാഹനാപകടത്തിൽ യുവാവിന് ദാരുണാന്ത്യം. ചാലാട് പന്നേൻപാറ സ്വദേശി സബിൻ മോഹൻദാസ്(42) ആണ് മരിച്ചത്. വ്യാഴാഴ്ച രാവിലെ ഏഴ് മണിയോടെ താഴെചൊവ്വ റെയിൽവേ ഗേറ്റിന് സമീപത്തായി ടിപ്പർ ലോറിയും സബിൻ സഞ്ചരിച്ച ബുള്ളറ്റും കൂട്ടിയിടിച്ചാണ് അപകടം.
തോട്ടടയിലെ ട്രാക്കോൺ കൊറിയർ സ്ഥാപനത്തിലെ ജീവനക്കാരനാണ് മരണപ്പെട്ട സബിൻ. ജോലി സ്ഥലത്തേക്ക് പോകവേയായിരുന്നു അപകടം നടന്നത്.
തലശേരി ഭാഗത്തു നിന്നും കണ്ണൂർ ഭാഗത്തേക്ക് വരികയായിരുന്ന കെ എൽ 77 ബിn9461 നമ്പർ മിനി ഐഷർ ലോറി എതിരെ വരികയായിരുന്ന കെഎൽ 13 എഎൻ 253 നമ്പർ ബുള്ളറ്റുമായി കൂട്ടിയിടിക്കുകയായിരുന്നു. ഉടൻ നാട്ടുകാർ ഗുരുതരമായി പരിക്കേറ്റ സബിനെ ചാലയിലെ സ്വകാര്യ ആശുപത്രിയിൽ എത്തിച്ചെങ്കിലും മരണം സംഭവിക്കുകയായിരുന്നു. ലോറി അമിത വേഗതയിലായിരുന്നുവെന്ന് നാട്ടുകാർ പറഞ്ഞു.അപകടത്തെ തുടർന്ന് അൽപ നേരം ഗതാഗതം സ്തംഭിച്ചു. പന്നേൻപാറ ചെറുമണലിൽ ഹൗസിലെ മോഹൻ ദാസിന്റെയും വൽസലയുടെയും മകനാണ് സബിൻ. ഭാര്യ: പ്രജിന. ഏകമകൾ: നക്ഷത്ര.
ഒരു അഭിപ്രായം പോസ്റ്റ് ചെയ്യൂ