മുഴപ്പിലങ്ങാട് : ദേശീയപാതയില്‍ മഠം കവലയില്‍ അടിപ്പാത വേണമെന്ന ആവശ്യവുമായി സമരം നടത്തുന്ന കര്‍മസമിതി തിരുവോണദിവസം അടുപ്പ് കൂട്ടി കഞ്ഞിവെച്ച്‌ സമരം നടത്തി.
തീര പ്രദേശത്തെ ജനങ്ങള്‍ കൂടുതലായി ആശ്രയിക്കുന്ന വിവിധ സ്ഥാപനങ്ങള്‍ ദേശീയപാതയുടെ കിഴക്കുവശത്താണെന്നും അവിടെ എത്തിച്ചേരാൻ രോഗികളുള്‍പ്പെടെയുള്ളവര്‍ വലിയ ദുരിതം അനുഭവിക്കേണ്ടിവരുമെന്നും കര്‍മസമിതി നേതാക്കള്‍ പറഞ്ഞു. മുസ്‌ലിം ലീഗ് ജില്ല സെക്രട്ടറി അബ്ദുള്‍ കരീം ചേലേരി ഉദ്ഘാടനം ചെയ്തു. സമരസമിതി ചെയര്‍മാൻ അറത്തില്‍ സുന്ദരൻ അധ്യക്ഷനായി. ഡി.സി.സി. ജനറല്‍ സെക്രട്ടറി എം.കെ.മോഹനൻ, എൻ.പി.ചന്ദ്രദാസ്, കെ.വി.റജീന, തറമ്മല്‍ നിയാസ്, സി.എം.നജീബ്, പി.വി.ഷാനു, സി.ദാസൻ, എ.കെ.ഇബ്രാഹിം എന്നിവര്‍ സംസാരിച്ചു.
ഒരു അഭിപ്രായം പോസ്റ്റ് ചെയ്യൂ