ന്യൂ ഡല്‍ഹി
ഇൻഡിഗോ വിമാന ബഹിഷ്‌കരണം അവസാനിപ്പിച്ച്‌ സിപിഎം കേന്ദ്ര കമ്മിറ്റി അംഗം ഇ പി ജയരാജൻ. അന്തരിച്ച സിപിഎം ജനറല്‍ സെക്രട്ടറി സീതാറാം യച്ചൂരിയെ അവസാനമായി കാണുന്നതിന് വേണ്ടിയാണ് രണ്ടു വർഷത്തിനുശേഷം ഇ പി ഇൻഡിഗോ വിമാനത്തില്‍ യാത്ര ചെയ്യുന്നത്.
ഇന്നലെ രാത്രി കരിപ്പൂരില്‍ നിന്ന് ഇൻഡിഗോ വിമാനത്തിലാണ് ജയരാജൻ ഡല്‍ഹിക്ക് പോയത്.
ഇന്‍ഡിഗോ വിമാനത്തിനുള്ളില്‍ മുഖ്യമന്ത്രിക്കെതിരെ പ്രതിഷേധിച്ചവരെ ഇ പി തള്ളിയിട്ടതിനെത്തുടര്‍ന്ന് അദ്ദേഹത്തിന് വിമാനക്കമ്ബനി യാത്രാവിലക്ക് ഏര്‍പ്പെടുത്തുകയും പിന്നാലെ അദ്ദേഹം ഇന്‍ഡിഗോ ബഹിഷ്‌കരണം പ്രഖ്യാപിക്കുകയും ചെയ്തിരുന്നു. ഇതേ തുടര്‍ന്നാണ് ഇൻഡിഗോ സർവീസ് ഇ പി ബഹിഷ്കരിച്ച്‌ കണ്ണൂരിലേക്കുള്ള യാത്ര ട്രെയിനിലാക്കിയത്. ''ഉള്ള വിമാനത്തില്‍ എങ്ങനെയെങ്കിലും ഡല്‍ഹിയില്‍ എത്തുകയായിരുന്നു ലക്ഷ്യം. യച്ചൂരി തനിക്ക് അത്രയും പ്രിയപ്പെട്ട നേതാവാണ്. ഇൻഡിഗോ വിമാനത്തില്‍ കയറേണ്ടെന്ന് അന്നും കയറാൻ ഇന്നും എടുത്ത നിലപാടുകള്‍ അതാത് സാഹചര്യത്തില്‍ ശരിയാണ്. വിമാനത്തില്‍ അന്ന് നടന്നത് ഇന്ത്യയുടെ ചരിത്രത്തില്‍ നടക്കാത്ത സംഭവം''- ഇ പി ജയരാജൻ പറഞ്ഞു.
ഒരു അഭിപ്രായം പോസ്റ്റ് ചെയ്യൂ