കർണാടക
കർണാടകയിലെ യാദ്ഗിർ ജില്ലയില്‍ ബപ്പരാഗി ഗ്രാമത്തില്‍ കടയില്‍ സാധനം വാങ്ങാനെത്തിയ സ്ത്രീയെ ജാതി പറഞ്ഞ് അധിക്ഷേപിച്ചു.
മൂന്ന് സ്ത്രീകള്‍ ഉള്‍പ്പടെ 10 പേർക്കെതിരെ കേസ്. ആഗസ്റ്റ് 12 ന് തന്റെ പ്രായപൂർത്തിയാകാത്ത മകളെ വിവാഹവാഗ്ദാനം നല്‍കി പീഡിപ്പിച്ചതായി യുവതി പരാതി നല്‍കിയിരുന്നു. ഇതേ തുടർന്ന് ചന്ദ്രശേഖര ഗൗഢ എന്നയാള്‍ക്കെതിരെ ഭാരതീയ ന്യായസംഹിത, പട്ടികജാതി-വർഗക്കാർക്കെതിരെയുള്ള അതിക്രമങ്ങള്‍ തടയല്‍, പോക്‌സോ എന്നീ വകുപ്പുകള്‍ ചുമത്തി കേസെടുത്ത്‌ അന്വേഷിച്ചു വരികയായിരുന്നു.
ഇതിനു ശേഷം കടയിലേക്ക്‌ പലചരക്ക് സാധനങ്ങള്‍ വാങ്ങാൻ എത്തിയ സ്ത്രീയെ പ്രതിയായ ചന്ദ്രശേഖർ ജാതിപ്പേര് പറഞ്ഞ് അധിക്ഷേപിക്കുകയും, ഒപ്പം ചേർന്ന് കടയുടമയായ സ്ത്രീയും സാധനങ്ങള്‍ വാങ്ങാനെത്തിയ സ്ത്രീയെ അധിക്ഷേപിക്കുകയും സാധനങ്ങള്‍ നല്‍കാതിരിക്കുകയും ചെയ്തു. സംഭവത്തില്‍ കടയുടമയായ സ്ത്രീ ഉള്‍പ്പടെ മൂന്ന് സ്‌ത്രീകളടക്കം 10 പേർക്കെതിരെയാണ്‌
കേസെടുത്തിരിക്കുന്നത്‌. ശങ്കരഗൗഡ, ചന്ദപ്പ, ഏറണ്ണ, യലിംഗ, മുദ്ദമ്മ, എറാബായി, ബസന്ത്, അശോക് ബന്ദപ്പ, ശാന്തവ്വ എന്നിവരാണ് മറ്റു പ്രതികള്‍.
കേസെടുത്തതിനെതുടർന്ന്‌ മേല്‍ജാതിക്കാർ ഗ്രാമത്തിലെ ദളിതർക്ക്‌ സാധനങ്ങള്‍ വില്‍ക്കരുതെന്ന് ചെറുകിട കച്ചവടക്കാരോട് ആജ്ഞാപിച്ചു. വിലക്ക് ഏർപ്പെടുത്തിയതിനെ തുടർന്ന് പൊലീസും, സാമൂഹികക്ഷേമ, വനിതാ ശിശുവികസന വകുപ്പുകളിലെ ഉദ്യോഗസ്ഥരും ഗ്രാമത്തിലെത്തി വിഷയം ഒത്തുതീർപ്പ് ആക്കിയതായി സബ് ഡിവിഷൻ അസിസ്റ്റന്റ് കമ്മീഷണർ ഹമ്ബണ്ണ പറഞ്ഞു.
ഒരു അഭിപ്രായം പോസ്റ്റ് ചെയ്യൂ