ഡല്‍ഹി
പ്രതിപക്ഷ നേതാവായ രാഹുല്‍ ഗാന്ധി എപ്പോഴും നേരിടുന്ന ചോദ്യമാണ് എപ്പോള്‍ വിവാഹം കഴിക്കും എന്നത്.
നിലവില്‍ 50 കളിലായ കോണ്‍ഗ്രസിന്റെ യുവനേതാവ് പലപ്പോഴും ഇത്തരം ചോദ്യങ്ങള്‍ക്ക് സരസമായ ഉത്തരമാണ് നല്‍കാറുള്ളത്. എനിക്ക് ചേർന്നൊരു പെണ്‍കുട്ടി വരുമ്ബോള്‍ വിവാഹം കഴിക്കാമെന്നതായിരുന്നു രാഹുലിന്റെ സ്ഥിരം മറുപടി.
ഇത്തവണ ശ്രീനഗറിലെ ഒരു കൂട്ടം പെണ്‍കുട്ടികളും രാഹുലിനോട് വിവാഹക്കാര്യത്തെ കുറിച്ച്‌ ചോദിച്ചു.തുറന്ന സ്ഥലത്തായിരുന്നു ഒരു മേശയ്ക്ക് ചുറ്റും രാഹുലും വിദ്യാർത്ഥികളും ഒന്നിച്ചിരുന്നത്. വിവാഹത്തെക്കുറിച്ച്‌ പ്ലാനിങ് നടത്തിയോ എന്നതായിരുന്നു കൂട്ടത്തിലൊരാള്‍ ഉന്നയിച്ച ചോദ്യം.ഇരുപത് മുപ്പത് വർഷമായി ഞാൻ ഈ ചോദ്യം അഭിമുഖീകരിക്കുന്നു. ഇത്രയും വർഷം ഈ സമ്മർദ്ദത്തെ അതിജീവിക്കാൻ എനിക്ക് സാധിച്ചു. യഥാർത്ഥത്തില്‍ ഞാൻ വിവാഹം കഴിച്ചു, കോണ്‍ഗ്രസ് പാർട്ടിയെ. പാർട്ടിയുടെ മുഴുനീള പ്രവർത്തകനായി മാറിക്കഴിഞ്ഞു' ഇതായിരുന്നു രാഹുലിന്റെ മറുപടി.
മേയില്‍, റായ്ബറേലിയില്‍ നാമനിർദേശം സമർപ്പിച്ചതിന് പിന്നാലെ ആദ്യമായി മണ്ഡലത്തില്‍ റാലി നടത്തിയപ്പോള്‍ രാഹുല്‍ ഈ ചോദ്യം അഭിമുഖീകരിച്ചിരുന്നു. ആള്‍ക്കൂട്ടത്തില്‍ നിന്ന് ആരോ ചോദിച്ച ചോദ്യത്തിന് ഉത്തരം നല്‍കാൻ സമ്മേളനത്തിനെത്തിയ പ്രിയങ്ക രാഹുലിനോട് പറയുകയായിരുന്നു. എന്താണ് ചോദ്യം എന്ന് രാഹുല്‍ ചോദിച്ചപ്പോഴാണ് 'ഷാദി കബ് കരോഗേ (നിങ്ങള്‍ എപ്പോഴാണ് വിവാഹം കഴിക്കുക)? എന്ന ചോദ്യമുയർന്നത്. അത് ഉടൻ ഉണ്ടാകുമെന്നും രാഹുല്‍ ഗാന്ധി അന്ന് പറഞ്ഞിരുന്നു.
ഒരു അഭിപ്രായം പോസ്റ്റ് ചെയ്യൂ