പൊതുജനങ്ങള്‍ ജില്ലയില്‍ ഡെങ്കിപ്പനിക്ക് പുറമെ എച്ച്‌1 എൻ 1, എലിപ്പനി എന്നിവയും റിപ്പോർട്ട് ചെയ്യപ്പെടുന്ന സാഹചര്യത്തില്‍ ജാഗ്രത പാലിക്കണമെന്ന് ജില്ലാ മെഡിക്കല്‍ ഓഫീസർ അറിയിച്ചു.
എലിപ്പനി
ലക്ഷണങ്ങള്‍; പനിയോടൊപ്പം നടുവേദന, കാലിലെ പേശികളില്‍ വേദന, കണ്ണിന് മഞ്ഞ നിറം
ഡെങ്കിപ്പനി
ലക്ഷണങ്ങള്‍; കടുത്ത പനി, നടുവേദന, തലവേദന, കണ്ണിനുള്ളില്‍ വേദന
കെട്ടിക്കിടക്കുന്ന വെള്ളത്തിലും ഓടകളിലും ഇറങ്ങി ജോലി ചെയ്യുന്നവർ, മൃഗങ്ങളെ പരിപാലിക്കുന്നവർ,കെട്ടിട നിർമാണ തൊഴിലാളികള്‍, തൊഴിലുറപ്പ് തൊഴിലാളികള്‍, ശുചീകരണ തൊഴിലാളികള്‍, കൃഷിപ്പണിക്കാർ, ക്ഷീര കർഷകർ എന്നിവർ ഡോക്ടറുടെ നിർദ്ദേശാനുസരണം എലിപ്പനി പ്രതിരോധ ഗുളികയായ ഡോക്‌സി സൈക്ലിൻ കഴിക്കണം.
എച്ച്‌1 എൻ1
ജലദോഷം, ചുമ, പനി, തൊണ്ടവേദന, തലവേദന, ശരീരവേദന, ക്ഷീണം, വിറയില്‍, ഛർദ്ദി, വയറിളക്കം
എല്ലാ സർക്കാർ ആരോഗ്യകേന്ദ്രങ്ങളില്‍ നിന്നും എച്ച്‌ 1 എൻ 1 ചികിത്സയ്ക്കുള്ള ഒസള്‍ട്ടമിവിർ സൗജന്യമായി ലഭിക്കും. ലക്ഷണങ്ങള്‍ ഉള്ളവർ വീടുകളില്‍ പൂർണ്ണ വിശ്രമത്തില്‍ കഴിയുക. കഴിയുന്നതും മറ്റുള്ളവരുമായി സമ്ബർക്കത്തില്‍ ഏർപ്പെടാതിരിക്കുക. പുറത്ത് ഇടപഴകുമ്ബോള്‍ മാസ്‌ക് ഉപയോഗിക്കുക.
രോഗലക്ഷണങ്ങള്‍ ഉണ്ടായാല്‍ സ്വയം ചികിത്സ ചെയ്ത് സമയം പാഴാക്കുന്നതിന് പകരം അടുത്തുള്ള ആരോഗ്യ കേന്ദ്രത്തിലെത്തി ഡോക്ടറുടെ സേവനം തേടണം. അതേസമയം വിദ്യാർത്ഥികള്‍ക്ക് രോഗലക്ഷണങ്ങള്‍ അനുഭവപ്പെട്ടാല്‍ വിദ്യാലയങ്ങളില്‍ അയക്കരുതെന്നും ഡി.എം.ഒ അറിയിച്ചു.
ഒരു അഭിപ്രായം പോസ്റ്റ് ചെയ്യൂ