പതിനേഴുകാരിയെ പീഡിപ്പിച്ച കേസിലെ പ്രതിയെ ക്വാര്‍ട്ടേഴ്സില്‍ വിളിച്ചുവരുത്തി പ്രകൃതിവിരുദ്ധ പീഡനത്തിന് ഇരയാക്കി; കൈക്കൂലി കൊടുക്കാൻ തയ്യാറാകാതിരുന്നതോടെ റിസോര്‍ട്ട് നടത്തിപ്പുകാരെ കള്ളക്കേസില്‍ കുടുക്കി; സര്‍വീസില്‍ നിന്നും പിരിച്ചുവിട്ട് ഒരുവര്‍ഷമായിട്ടും പൊലീസ് ക്വാര്‍ട്ടേഴ്സും ഒഴിഞ്ഞില്ല; ആത്മഹത്യക്ക് ശ്രമിച്ച ആര്‍. ജയസനില്‍ സര്‍വീസിലിരിക്കെ ചെയ്തത് കൊടുംപാതകങ്ങള്
തിരുവനന്തപുരം: കഴിഞ്ഞ ദിവസം ആത്മഹത്യക്ക് ശ്രമിച്ച വർക്കല അയിരൂർ സ്റ്റേഷനിലെ മുൻ സ്റ്റേഷൻഹൗസ് ഓഫീസർ ആർ. ജയസനില്‍ സർവീസില്‍ നിന്ന് പിരിച്ചുവിടപെട്ട് ഒരു വർഷം ആകാറായിട്ടും പാളയത്തെ പൊലീസ് ക്വാർട്ടേഴ്സ് ഒഴിഞ്ഞിരുന്നില്ല.
ഗുരുതര അച്ചടക്കലംഘനം നടത്തിയതിന്റെ പേരിലും റിസോർട്ട് ഓപ്പറേറ്റർമാർക്കെതിരെ വ്യാജ കേസ് ചമച്ചതിന്റെ പേരിലുമായിരുന്നു ഇയാളെ സർവീസില്‍ നിന്നും കഴിഞ്ഞ വർഷം പിരിച്ചുവിട്ടത്. ജോലിയില്‍ നിന്നും പിരിഞ്ഞാല്‍ ആറുമാസം വരെ ക്വാർട്ടേഴ്സ് ഉപയോഗിക്കാമെന്നാണ് വ്യവസ്ഥ എന്നിരിക്കെയാണ് ഇയാള്‍ ഒരു വർഷത്തോളം പൊലീസ് ക്വാർട്ടേഴ്സ് ഉപയോഗിച്ചത് എന്നതും ഗൗരവമുള്ള സംഗതിയാണ്. സർവീസില്‍ നിന്നും പിരിച്ചുവിട്ടിട്ടും സേനയിലും സർക്കാരിലും ഇയാള്‍ക്കുള്ള സ്വാധീനമാണ് ക്വാർട്ടേഴ്സ് ഒഴിയാതിരിക്കാൻ കാരണമെന്ന ആരോപണമാണ് ഇപ്പോള്‍ ഉയരുന്നത്.
പോക്സോ കേസ് പ്രതിയായ യുവാവിനെ പീഡിപ്പിച്ച ഇയാള്‍ക്കെതിരെ വിജിലൻസ് അന്വേഷണവും നടന്നിരുന്നു. റിസോർട്ട് നടത്തിപ്പുകാരില്‍ നിന്ന് കൈക്കൂലി ആവശ്യപ്പെട്ടിട്ട് കൊടുക്കാത്തതിനെ തുടർന്നായിരുന്നു ജയസനില്‍ അവർക്കെതിരെ വ്യാജകേസ് കെട്ടിച്ചമച്ചത്. 2022 ഒക്ടോബറിലാണ് ഇയാള്‍ പോക്സോ കേസ് പ്രതിയായ യുവാവിനെ പീഡിപ്പിച്ചത്.
സമൂഹമാധ്യമത്തിലൂടെ പരിചയപ്പെട്ട 17-കാരിയെ പീഡിപ്പിച്ച കേസില്‍ പ്രതിയായ യുവാവ് ആണ് പരാതിക്കാരൻ. പ്രായപൂർത്തിയാവാത്ത പെണ്‍കുട്ടിയെ പീഡിപ്പിച്ചെന്ന പരാതി ലഭിച്ചത് ജയസനിലിനായിരുന്നു. ഗള്‍ഫിലായിരുന്ന പ്രതിയെ ജയസനില്‍ കേസിൻ്റെ കാര്യം പറഞ്ഞ് നാട്ടിലേക്ക് വിളിച്ചു വരുത്തി. സഹോദരനൊപ്പം കാണാനെത്തിയ പ്രതിയോട് തൻ്റെ ചില താത്പര്യങ്ങള്‍ പരിഗണിക്കണമെന്നും സഹകരിച്ചാല്‍ കേസില്‍ നിന്നും ഒഴിവാക്കി തരാമെന്നും ജയസനില്‍ പറഞ്ഞു. തുടർന്ന് യുവാവിനെ സിഐ താൻ താമസിക്കുന്ന ക്വാർട്ടേഴ്സിലേക്ക് വിളിച്ചു വരുത്തുകയും അവിടെ വച്ച് പ്രകൃതി വിരുദ്ധ പീഡനത്തിന് ഇരയാക്കിയെന്നുമാണ് ആരോപണം. ഇതു കൂടാതെ കേസ് അവസാനിപ്പിക്കാൻ അൻപതിനായിരം രൂപ ജയസനില്‍ പ്രതിയില്‍ നിന്നും കൈപ്പറ്റുകയും ചെയ്തു.
എന്നാല്‍ പിന്നീട് വാക്ക് പാലിക്കാതിരുന്ന സിഐ പ്രതിക്കെതിരെ പോക്സോ കേസ് രജിസ്റ്റർ ചെയ്തു അറസ്റ്റ് ചെയ്തു. കോടതി പ്രതിയെ റിമാൻഡ് ചെയ്തതിന് പിന്നാലെ ഇയാള്‍ പോക്സോ കേസില്‍ കുറ്റപത്രവും സമർപ്പിച്ചു. സിഐ തന്നെ പീഡിപ്പിച്ച വിവരം ഭാര്യയോട് വെളിപ്പെടുത്തിയ പോക്സോ കേസ് പ്രതി പിന്നീട് ജാമ്യഹർജിയുടെ ഭാഗമായി കോടതിയില്‍ ഹാജരാക്കിയപ്പോള്‍ ഇക്കാര്യം അറിയിച്ചു. ജാമ്യം കിട്ടിയതിന് പിന്നാലെ അയിരൂർ സ്റ്റേഷനിലെത്തി ഇയാള്‍ സിഐക്കെതിരെ പീഡനത്തിന് പരാതി നല്‍കുകയായിരുന്നു.
ഒരു അഭിപ്രായം പോസ്റ്റ് ചെയ്യൂ