താത്കാലിക നിയമനം
കണ്ണൂര്‍ ഗവ. എഞ്ചിനീയറിങ് കോളേജില്‍ ബസ്സ് ഡ്രൈവറുടെയും, ക്ലീനറുടെയും, ഡ്രൈവര്‍ കം ക്ലീനര്‍ (എല്ലാവരും 60 വയസില്‍ താഴെ ) ഒഴിവിലേക്ക് താത്കാലിക നിയമനം നടത്തുന്നു. താല്പര്യമുള്ളവര്‍ യോഗ്യതയും, പരിചയവും തെളിയിക്കുന്ന രേഖകള്‍ സഹിതം ജൂലൈ 24 ന് രാവിലെ 10.30 ന് കോളേജ് ഓഫീസില്‍ ഹാജരാകണമെന്ന് പ്രിന്‍സിപ്പല്‍ അറിയിച്ചു.
സ്‌പോട്ട് അഡ്മിഷന്
വിനോദ സഞ്ചാര വകുപ്പിനു കീഴിലുള്ള കേരള ഇന്‍സ്റ്റിറ്റ്യൂട്ട് ഓഫ് ഹോസ്പിറ്റാലിറ്റി മാനേജ്‌മെന്റ് കോളേജില്‍ ബി എസ് സി ഹോട്ടല്‍ മാനേജ്‌മെന്റ് ആന്‍ഡ് കാറ്ററിംഗ് സയന്‍സ് കോഴ്‌സില്‍ ഏതാനും സീറ്റുകള്‍ ഒഴിവുണ്ട്. 45 ശതമാനം മാര്‍ക്കോടെ പ്ലസ് ടു പാസായ വിദ്യാര്‍ത്ഥികള്‍ക്ക് ജൂലൈ 24 വരെ സ്‌പോട്ട് അഡ്മിഷന് അപേക്ഷിക്കാം. എസ് സി, എസ് ടി, ഒ ബി എച്ച്, ഒ ഇ സി വിഭാഗങ്ങള്‍ക്ക് ഇ ഗ്രാന്റ്‌സ് ആനുകൂല്യം ലഭ്യമാണ്. ഫോണ്‍ 9567463159, 6282393203 , ഇ മെയില്‍: principal.kihm@kerala.gov.in
ഐ ടി ഐ കോഴ്സുകൾ
കണ്ണൂർ ഗവ: ഐ ടി ഐ യും ഐ എം സി യും സംയുക്തമായി നടത്തുന്ന ഡിപ്ലോമ ഇൻ ഫയർ ആൻഡ് സേഫ്റ്റി, ഡിപ്ലോമ ഇൻ ഓയിൽ ആൻഡ് ഗ്യാസ് ടെക്നോളജി , ഡിപ്ലോമ ഇൻ എയർപോർട്ട് മാനേജ്മെൻ്റ് വിത്ത് സപ്ലൈ ചെയിൻ ആൻഡ് ലോജിസ്റ്റിക്സ്, ഡിപ്ലോമ ഇൻ മൊബൈൽ ഫോൺ ടെക്നോളജി, സി സി ടി വി, സി എൻ സി മെഷിനിസ്റ്റ്, ഡിപ്ലോമ ഇൻ ഡിജിറ്റൽ ലാൻഡ് സർവെ എന്നീ കോഴ്സുകളിലേക്ക് അപേക്ഷ ക്ഷണിച്ചു. ഫോൺ 9745479354, 8301098705
സീറ്റ് ഒഴിവ്
പട്ടുവം കോളേജ് ഓഫ് അപ്ലൈഡ് സയൻസിൽ ബി എസ് സി കമ്പ്യൂട്ടർ സയൻസ്, ബിസിഎ, ബികോം വിത്ത് കമ്പ്യൂട്ടർ അപ്ലിക്കേഷൻ ബികോം കോഓപ്പറേഷൻ എന്നീ കോഴ്‌സുകളിൽ സീറ്റുകൾ ഒഴിവുണ്ട്. ഫോൺ 8547005048, 9847007177
മത്സ്യത്തൊഴിലാളി വനിതകൾക്ക് പലിശ രഹിത വായ്‌പ
ഫിഷറീസ് വകുപ്പിന് കീഴിൽ പ്രവർത്തിക്കുന്ന സൊസൈറ്റി ഫോർ അസിസ്റ്റൻസ് ടു ഫിഷർ വിമൺ (സാഫ്) നടപ്പിലാക്കുന്ന പലിശ രഹിത വായ്‌പാ പദ്ധതിയിലേക്ക് അപേക്ഷ ക്ഷണിച്ചു. മത്സ്യത്തൊഴിലാളി വനിതകളുടെ ജോയിന്റ് ലയബിലിറ്റി ഗ്രൂപ്പുകൾക്ക് അപേക്ഷിക്കാം. മത്സ്യത്തൊഴിലാളി ഫാമിലി രജിസ്റ്ററിൽ അംഗത്വമുള്ളതും മത്സ്യകച്ചവടം, പീലിംഗ്, ഉണക്കമീൻക്കച്ചവടം എന്നീ ജോലികൾ ചെയ്യുന്നതുമായ 5 പേർ അടങ്ങുന്ന ഗ്രൂപ്പുകൾക്കാണ് അവസരം.
പ്രായപരിധി ഇല്ല. 5 പേരടങ്ങടങ്ങുന്ന ഒരു ഗ്രൂപ്പിന് പരമാവധി 50000/- രൂപ (ഒരാൾക്ക് 10000/- രൂപ വീതം) പലിശരഹിത വായ്‌പ യായി നൽകുന്നതാണ്. അപേക്ഷ ഫോറം കണ്ണൂർ സാഫ് നോഡൽ ഓഫീസിൽ നിന്നും ജില്ലയിലെ മത്സ്യഭവൻ ഓഫീസുകളിൽ നിന്നും www.fisheries.kerala.gov.in. www.safkerala.org എന്നീ വെബ്‌സൈറ്റുകളിലും ലഭിക്കും. അപേക്ഷകൾ ജൂലൈ 31 നകം ബന്ധപ്പെട്ട മത്സ്യഭവനുകളിൽ സമർപ്പിക്കണം. ഫോൺ :7902502030
ഫയൽ അദാലത്ത്
പൊതുവിദ്യാഭ്യാസ വകുപ്പ് ഫയൽ തീർപ്പാക്കുന്നതിന്റെ ഭാഗമായി ഫയൽ അദാലത്ത് സംഘടിപ്പിക്കുന്നു. അദാലത്തിലേക്കുള്ള അപേക്ഷകൾ എ ഇ ഒ/ ഡി ഇ ഒ/ ഡി ഡി ഇ ആഫീസുകളിൽ സ്വീകരിക്കും . 2023 ഡിസംബർ 31 വരെ തീർപ്പാക്കാനുള്ള ഫയലുകളാണ് അദാലത്തിൽ പരിഗണിക്കുന്നത്.അപേക്ഷകൾ സ്വീകരിക്കുന്ന അവസാന തീയതി ജൂലൈ 25 . ഫോൺ 04972705149.
ഫാഷന്‍ ഡിസൈന്‍ കോഴ്‌സ്
കണ്ണൂര്‍ അപ്പാരല്‍ ട്രെയിനിങ്ങ് ആന്റ് ഡിസൈന്‍ സെന്ററില്‍ മൂന്ന് വര്‍ഷത്തെ ഫാഷന്‍ ഡിസൈന്‍ ആന്റ് റീട്ടെയില്‍ ബിരുദ കോഴ്‌സിനും ഒരു വര്‍ഷത്തെ ഫാഷന്‍ ഡിസൈന്‍ ടെക്നോളജി ഡിപ്ലോമ കോഴ്‌സിനും അപേക്ഷ ക്ഷണിച്ചു. താല്‍പ്പര്യമുള്ള പ്ലസ്ടു പാസായ വിദ്യാര്‍ഥികള്‍ നാടുകാണിയിലെ സെന്ററുമായി ബന്ധപ്പെടണം. ഫോണ്‍: 8301030362, 9995004269.
എയര്‍ലൈന്‍സ് കോഴ്‌സ്
എസ്ആര്‍സി കമ്മ്യൂണിറ്റി കോളേജില്‍ ഡിപ്ലോമ ഇന്‍ എയര്‍ലൈന്‍ ആന്റ് എയര്‍പോര്‍ട്ട് മാനേജ്‌മെന്റ് പ്രോഗാമിന് അപേക്ഷ ക്ഷണിച്ചു. അപേക്ഷാ ഫോറവും പ്രോസ്‌പെക്ടസും തിരുവനന്തപുരം നന്ദാവനത്തെ എസ്ആസി ഓഫീസില്‍ നിന്ന് ലഭിക്കും. അവസാന തിയ്യതി ജൂലൈ 31. ഫോണ്‍: 0471 2570471, 9846033001.
ഗസ്റ്റ് ലക്ചർ നിയമനം
കണ്ണൂർ കൃഷ്ണമേനോൻ മെമ്മോറിയൽ ഗവണ്മെൻ്റ് വിമൻസ് കോളേജിൽ ജേർണലിസം വിഷയത്തിൽ ഗസ്റ്റ് ലക്ചററെ നിയമിക്കുന്നു. കോളേജ് വിദ്യാഭ്യാസ . ഡെപ്യൂട്ടി ഡയരക്ടറുടെ കോഴിക്കോട് ഓഫീസിൽ രജിസ്റ്റർ ചെയ്ത ഉദ്യോഗാർത്ഥികൾ അസ്സൽ സർട്ടിഫിക്കറ്റുകൾ സഹിതം ജൂലൈ 26 ന് രാവിലെ 10:30 ന് പ്രിൻസിപ്പൽ മുൻപാകെ കൂടിക്കാഴ്ചക്ക് ഹാജരാകേണ്ടതാണ്. ഫോൺ 0497 2746175
ടെൻഡർ
കണ്ണൂർ ജില്ലാ ആശുപത്രിയിൽ ജില്ലാ മാനസികാരോഗ്യ പരിപാടിയുടെ ഭാഗമായ മുത്തത്തി-പയ്യന്നൂർ ഡേ കെയർ സെൻ്ററിലേക്ക് 12 സീറ്റുള്ള വാഹനം (ടെമ്പോ ട്രാവലർ) ലഭിക്കുന്നതിന് ടെൻഡറുകൾ ക്ഷണിച്ചു. അവസാന തീയതി ജൂലൈ 27 ഉച്ചക്ക് 12 വരെ.
കണ്ണൂർ ജില്ലാ ആശുപത്രിയുടെ കീഴിലുള്ള ജില്ലാ മാനസികാരോഗ്യ പരിപാടിയുടെ ഭാഗമായ മുത്തത്തി-പയ്യന്നൂർ പകൽ വീടിലെ അന്തേവാസികൾക്ക് ഭക്ഷണ വിതരണം നടത്തുന്നതിന്റെ ടെൻഡറുകൾ ക്ഷണിച്ചു . അവസാന തീയതി ജൂലൈ 27 ഉച്ചക്ക് 12 മണിവരെ.
പരാതി പരിഹാര സമ്പർക്ക പരിപാടി
എംപ്ലോയീസ് പ്രോവിഡൻറ് ഫണ്ട് ഓർഗനൈസേഷനും എംപ്ലോയീസ് സ്റ്റേറ്റ് ഇൻഷുറൻസ് കോർപ്പറേഷനും സംയുക്തമായി നടത്തുന്ന ഗുണഭോക്താക്കൾക്കായുള്ള പ്രതിമാസ പരാതി പരിഹാര സമ്പർക്ക പരിപാടി
( നിധി ആപ്കെ നികട്) ജില്ലാ ക്യാമ്പ് ജൂലൈ 29 ന് നടക്കും. രാവിലെ 9:30 മുതൽ ഉച്ചയ്ക്ക് ഒരു മണി വരെ കണ്ണൂർ മത്സ്യ ഫെഡ് ജില്ലാ ഓഫീസിലെ എഫ് ഡബ്ലൂയു എഫ് ബി ബോധവൽക്കരണ കേന്ദ്രം, കാസറഗോഡ് കലക്ടറേറ്റ് മെയിൻ കോൺഫറൻസ് ഹാൾ എന്നിവയാണ് ക്യാമ്പിൻ്റെ വേദി .
ഇപിഎഫ് / ഇഎസ്ഐ അംഗങ്ങൾ, തൊഴിലുടമകൾ, ഇ പി എസ് പെൻഷൻകാർ, തൊഴിലാളി സംഘടനാ പ്രതിനിധികൾ തുടങ്ങിയവർക്ക് പങ്കെടുക്കാം.
സീറ്റൊഴിവ്
പട്ടിക ജാതി വികസന വകുപ്പിന് കീഴിലുള്ള മാടായി ഗവ.ഐ.ടി.ഐയിൽ പ്ലംബർ, പെയിന്റർ ജനറൽ എന്നീ ട്രേഡുകളിലേക്ക് ജൂലൈ 25 വരെ അപേക്ഷിക്കാം. അപേക്ഷകൾ www.scdditiadmission.kerala.gov.in എന്ന വെബ് സൈറ്റ് വഴി സമർപ്പിക്കാവുന്നതാണ്. ആൺകുട്ടികൾക്ക് സൗജന്യ ഹോസ്റ്റൽ സൗകര്യം ലഭ്യമാണ്. ഫോൺ 04972877300, 9447228499.
ഒരു അഭിപ്രായം പോസ്റ്റ് ചെയ്യൂ