ഗുരുഗ്രാം
സ്കൂള് വിട്ടുവന്ന മകന്റെ വസ്ത്രത്തില്‍ അഴുക്ക് കണ്ടെത്തിയതിനെ തുടർന്ന് എട്ടുവയസുകാരനെ അമ്മ കഴുത്തുഞെരിച്ചു കൊന്നു.
ഗുരുഗ്രാമില്‍ നടന്ന ഞെട്ടിപ്പിക്കുന്ന കൊലപാതകത്തില്‍ അമ്മ പൂനം ദേവിയെ പൊലീസ് അറസ്റ്റ് ചെയ്തു. മകൻ കാർത്തിക് സ്കൂള് നിന്ന് വരുമ്ബോള്‍ വസ്ത്രങ്ങള്‍ മുഷിഞ്ഞിരുന്നതും രണ്ടു പുസ്തകങ്ങള്‍ കാണാതായതുമാണ് കൊലപാതകത്തിലേക്ക് നയിച്ചതെന്നാണ് പൊലീസ് പറയുന്നത്.
കോപാകുലയായ പൂനം ദേവി മകനെ വീടിനു പുറത്ത് നിർത്തി. അടുത്തുള്ള കടയിലേക്ക് പോകണമെന്ന് കാർത്തിക് വാശി പിടിച്ചപ്പോള്‍ ഷാള്‍ കൊണ്ട് കഴുത്തുഞെരിച്ചു കൊല്ലുകയായിരുന്നു. കുട്ടി മരിച്ച വിവരം സ്വകാര്യ ആശുപത്രി പൊലീസിനെ അറിയിച്ചപ്പോഴാണ് സംഭവം പുറത്തറിഞ്ഞത്. മകൻ സുഖമില്ലാതെയിരിക്കുകയാണെന്നറിഞ്ഞാണ് കാർത്തിക്കിന്റെ പിതാവ് വീട്ടിലെത്തുന്നത്. ബോധരഹിതമായി കിടക്കുന്ന മകന് അരികില്‍ ഭാര്യ കരഞ്ഞുകൊണ്ടിരിക്കുകയായിരുന്നു. ഉടൻ തന്നെ മകനെ ആശുപത്രിയിലെത്തിച്ചെങ്കിലും കാർത്തികിന്റെ മരണം സ്ഥിരീകരിക്കുകയായിരുന്നു.
എന്നാല്‍ മകന്റെ കഴുത്തില്‍ അസാധാരണമായ പാട് കണ്ട സംശയം തോന്നിയ പിതാവ് അരവിന്ദ് കുമാർ പൊലീസ് സ്റ്റേഷനില്‍ പരാതി നല്‍കുകയും ചെയ്തു. അന്വേഷണത്തിനൊടുവിലാണ് പൂനം ദേവിയാണ് കൊലപാതകം നടത്തിയതെന്ന് തെളിഞ്ഞത്. പൊലീസ് ചോദ്യം ചെയ്യലില്‍ കുറ്റം സമ്മതിക്കുകയും ചെയ്തു. കസ്റ്റഡിയിലെടുത്ത ദേവിയെ കോടതിയില്‍ ഹാജരാക്കി ജുഡീഷ്യല്‍ കസ്റ്റഡിയില്‍ വിട്ടു.
ഒരു അഭിപ്രായം പോസ്റ്റ് ചെയ്യൂ