കോഴിക്കോട്: അഞ്ചു വര്‍ഷം മുൻപ് പടിയടച്ചെന്ന് സര്‍ക്കാര്‍ പ്രഖ്യാപനം നടത്തിയ നിപ്പ രോഗം വീണ്ടുമെത്തിയതോടെ ആശങ്കയിലാണ് കോഴിക്കോട്.
മുൻപത്തെ അനുഭവം ഉള്ളതിനാല്‍ രോഗം വ്യാപിക്കാതിരിക്കാൻ മതിയായ മുൻകരുതലും ജാഗ്രതയുമെടുത്തിട്ടുണ്ട് ആരോഗ്യ വകുപ്പ്. സമ്ബര്‍ക്ക മേഖലകള്‍ അടച്ചിട്ട് രോഗത്തെ തുരത്താൻ തീവ്രശ്രമമാണ് നടത്തുന്നത്. കോവിഡില്‍ നിന്ന് ഒരു തരത്തില്‍ രക്ഷപെട്ടെന്ന് കരുതിയിരിക്കുമ്ബോഴാണ് നിപ്പ വീണ്ടുമെത്തിയത്.
രോഗം ബാധിച്ചവര്‍ക്കൊപ്പം ചികിത്സിച്ചവരും മരണത്തിന് കീഴടങ്ങിയ 2018ലെ സാഹചര്യങ്ങളുമായി ഏറെ സാമ്യമുണ്ട് ഇത്തവണത്തെ നിപ്പ വ്യാപനത്തിന്. 18 പേര്‍ക്ക് രോഗം സ്ഥിരീകരിച്ചതില്‍ 16 പേരാണ് മരണപ്പെട്ടത്. 2018ല്‍ നിപ വ്യാപനം തുടങ്ങിയ ചങ്ങരോത്ത് പഞ്ചായത്തിന്റെ സമീപ പഞ്ചായത്താണ് രോഗ വ്യാപനം ഉണ്ടായ മരുതോങ്കര.
ഇരു സ്ഥലങ്ങളും തമ്മില്‍ പത്ത് കിലോമീറ്റര്‍ മാത്രമേ വ്യത്യാസമുള്ളൂ. നിപ്പ ആദ്യം ബാധിച്ചെന്ന് കരുതുന്നയാള്‍ മരണപ്പെട്ടതിന് ദിവസങ്ങള്‍ക്ക് ശേഷമാണ് രോഗ വ്യാപനം സ്ഥിരീകരിക്കുന്നത്. അതുപോലെ തന്നെയാണ് ഇത്തവണയും ആദ്യം രോഗം സ്ഥിരീകരിച്ചെന്ന് കരുതപ്പെടുന്നവരുടെ സംസ്കാരം പൂര്‍ത്തീകരിച്ചതിനാല്‍ സാമ്ബിളെടുക്കാനോ രോഗം സ്ഥിരീകരിക്കാനോ സാധിച്ചിരുന്നില്ല.
2021ല്‍ ജില്ലയില്‍ വീണ്ടും നിപയുണ്ടായെങ്കിലും ഒരു മരണമാണ് ഉണ്ടായത്. അന്ന് നിപയുടെ വലിതതോതിലുള്ള വ്യാപനം തടയാൻ സാധിച്ചു. അന്ന് ചാത്തമംഗലം പഞ്ചായത്തിലെ പാഴൂര്‍ മുന്നൂരില്‍ 12 വയസുള്ള മുഹമ്മദ് ഹാഷിം നിപ്പ ബാധിച്ചു മരിച്ചു. 2021 സെപ്തംബര്‍ അഞ്ചിനായിരുന്നു മരണം. മസ്തിഷ്‌ക ജ്വരത്തെ തുടര്‍ന്ന് ആശുപത്രിയില്‍ പ്രവേശിപ്പിച്ച മുഹമ്മദ് ഹാഷിമിന് മരണത്തിന് തലേ ദിവസം മാത്രമാണ് നിപ്പ സ്ഥിരീകരിച്ചിരുന്നത്.
വിപുലമായ സമ്ബര്‍ക്ക പട്ടിക ഉണ്ടായിരുന്നെങ്കിലും രോഗം പടര്‍ന്നില്ല. ഇത്തവണ കോഴിക്കോട് ആയഞ്ചേരി സ്വദേശി, മരുതേങ്കര സ്വദേശി എന്നിവരുടെ മരണമാണ് നിപ ബാധിച്ചാണെന്ന് സ്ഥിരീകരിച്ചത്.
11ന് കോഴിക്കോട്ടെ ആസ്റ്റര്‍ മിംസ് ആശുപത്രിയില്‍ മരിച്ച ആയഞ്ചേരി സ്വദേശിയായ 40 കാരന്റെ മരണത്തെ തുടര്‍ന്ന് പൂനെയിലെ ദേശീയ വൈറോളജി ഇൻസ്റ്റിറ്റ്യൂട്ടില്‍ നടത്തിയ സ്രവ പരിശോധനയിലാണ് നിപ വൈറസ് ബാധ സ്ഥിരീകരിച്ചത്. നിപ്പ ലക്ഷണങ്ങളോടെ മരണപ്പെട്ട മരുതോങ്കര സ്വദേശിയുമായി ഇദ്ദേഹത്തിന് സമ്ബര്‍ക്കമുണ്ടായിരുന്നെന്ന് ആരോഗ്യവകുപ്പ് കണ്ടെത്തി.
ആയഞ്ചേരി സ്വദേശിയ്ക്ക് ആറിനാണ് ഇയാള്‍ക്ക് പനി ബാധിച്ചത്. വെള്ളിയാഴ്ച ആയഞ്ചേരി പ്രാഥമിക ആരോഗ്യ കേന്ദ്രത്തിലും അടുത്ത ദിവസം വില്ല്യാപ്പള്ളി ആരോഗ്യ കേന്ദ്രത്തിലും ചികിത്സ തേടി. തുടര്‍ന്ന് വടകര ജില്ലാ ആശുപത്രിയിലും സ്വകാര്യ ക്ലിനിക്കിലും ചികിത്സ തേടി.
സ്ഥിതി വഷളായതോടെ വടകര സഹകരണ ആശുപത്രിയിലും പിന്നീട് കോഴിക്കോട് ആസ്റ്റര്‍ മിംസ് ആശുപത്രിയിലും പ്രവേശിപ്പിക്കുകയായിരുന്നു. കോഴിക്കോട്ടെ അശ്വിനി ലാബില്‍ നിന്ന് രക്ത പരിശോധനയും നടത്തിയിരുന്നു. 30ന് മരണപ്പെട്ട 45കാരനായ മരുതോങ്കര സ്വദേശിയുടെ മരണ കാരണം നിപ്പയായിരുന്നെന്ന് ആദ്യം കണ്ടെത്തിരുന്നില്ല.
അതിനാല്‍ സ്രവ പരിശോധന നടത്തിയിരുന്നില്ല. പക്ഷേ ഇയാളുടെ അടുത്ത ബന്ധുക്കള്‍ക്ക് നിപ്പ ലക്ഷണങ്ങള്‍ കണ്ടതോടെയാണ് സംശയം ഉയര്‍ന്നത്. 22 മുതല്‍ ഇയാള്‍ ചികിത്സ തേടിയ കുറ്റ്യാടിയിലെ ആശുപത്രിയില്‍ വെച്ചാണ് ആയഞ്ചേരി സ്വദേശിയുമായി സമ്ബര്‍ക്കം ഉണ്ടായതായി കണ്ടെത്തിയത്.
ഇയാളുടെ ബന്ധുക്കളായ നാല് പേരാണ് നിപ്പ ലക്ഷണങ്ങളോടെ കോഴിക്കോട്ടെ സ്വകാര്യ ആശുപത്രിയില്‍ ചികിത്സയിലുള്ളത്. ഭാര്യ, ഒമ്ബത് വയസുള്ള കുട്ടി , പത്ത് മാസം പ്രായമുള്ള കുട്ടി, 22 കാരനായ ബന്ധു എന്നിവരാണ് ചികിത്സയിലുള്ളത്. ഒമ്ബത് വയസുള്ള കുട്ടി വെന്റിലേറ്ററിലാണ്.
75 പേരുടെ പ്രാഥമിക സമ്ബര്‍ക്ക പട്ടിക ആരോഗ്യ വകുപ്പ് തയ്യാറാക്കിയിട്ടുണ്ട്. രോഗ ലക്ഷണങ്ങളുള്ളവരുമായി ഇടപഴകിയവരും ആശുപത്രി ജീവനക്കാരുമടക്കമാണിത്. സമ്ബര്‍ക്ക പട്ടികയില്‍ ചികിത്സ ഏറ്റവും അത്യാവശ്യമുള്ളവരെ മെഡിക്കല്‍ കോളേജില്‍ സജ്ജീകരിച്ച ഐസൊലേഷൻ വാര്‍ഡുകളിലേക്ക് മാറ്റും. ലക്ഷണങ്ങളില്ലാത്തവര്‍ വീടുകളില്‍ നിരീക്ഷണത്തില്‍ കഴിയും.
ഒരു അഭിപ്രായം പോസ്റ്റ് ചെയ്യൂ