കൊച്ചി: ആസൂത്രിത രൂപരേഖയുടെ മികവോടെ ചങ്ങമ്ബുഴ പാര്ക്ക് നവീകരണ നിര്മാണ പ്രവൃത്തികള്ക്ക് വെള്ളിയാഴ്ച വൈകിട്ട് ആറു മണിക്ക് തുടക്കമാകും.
ഓഗസ്റ്റ് 26 ല് നിന്ന് മാറ്റി വച്ച ചടങ്ങാണ് ഇപ്പോള് നടത്തുന്നത്.
കൊച്ചി സ്മാര്ട്ട് സിറ്റി ലിമിറ്റഡിന്റെ സഹായത്തോടെ ജിസിഡിഎ നാലു കോടി രൂപയുടെ നവീകരണ പദ്ധതി നടപ്പാക്കും. ജിസിഡിഎ മുൻ ചെയര്മാൻ കെ. ബാലചന്ദ്രൻ നിര്മാണ പ്രവര്ത്തനങ്ങള് ഉദ്ഘാടനം ചെയ്യും.
വര്ഷത്തില് 365 ദിവസവും കലാ സാംസ്കാരിക അവതരണങ്ങളും പ്രവര്ത്തനങ്ങളും അരങ്ങേറുന്ന കേരളത്തിലെ ഏറ്റവും പ്രധാനപ്പെട്ട സാംസ്കാരിക കേന്ദ്രമാണ് ചങ്ങമ്ബുഴ പാര്ക്ക്. കലാസ്വാദകരായ ജനങ്ങള്ക്ക് എല്ലാ ദിവസവും വിവിധ കലാരൂപങ്ങളും അവതരണങ്ങളും ആസ്വദിക്കാൻ സാധിക്കുക വഴി സാംസ്കാരിക പൈതൃകത്തിന്റെ ഈറ്റില്ലമായി ചങ്ങമ്ബുഴ പാര്ക്കിനെ വിശേഷിപ്പിക്കാവുന്നതാണ്.
അടിസ്ഥാന സൗകര്യ വിപുലീകരണത്തിനും കൂടുതല് വിഭാഗം ജനങ്ങളെ പാര്ക്കിലേക്ക് ആകര്ഷിക്കുന്നതിനുമാണ് കാലാനുസൃത മാറ്റങ്ങളോടെയും ആസൂത്രിത മികവോടെയും നവീന മാതൃകയിലുള്ള രൂപരേഖ തയാറാക്കി ചങ്ങമ്ബുഴ പാര്ക്ക് നവീകരിക്കാനൊരുങ്ങുന്നത്.
കാലപ്പഴക്കം മൂലമുള്ള അപാകതകള് പരിഹരിച്ചു കൊണ്ടും കൂടുതല് സൗകര്യങ്ങള് ഒരുക്കി കൊണ്ടുമുള്ള നവീകരണത്തിലൂടെ ചങ്ങമ്ബുഴ പാര്ക്കിന്റെ മുഖം മനോഹരമായി മിനുക്കുന്നതിനുള്ള നടപടികളാണ് കൈകൊള്ളുന്നത്. സര്ക്കാര് കരാറുകാരനായ പി.ജെ. അവറാച്ചനാണ് നവീകരണ പ്രവൃത്തികള് ഏറ്റെടുത്തിരിക്കുന്നത്. ആറു മാസം കൊണ്ട് പൂര്ത്തിയാക്കാനാണ് ഉദ്ദേശിക്കുന്നത്.
ഒരു അഭിപ്രായം പോസ്റ്റ് ചെയ്യൂ