മുവാറ്റുപുഴ: കസാഖിസ്ഥാനില്‍ നടന്ന ലോക പഞ്ചഗുസ്തി മത്സരത്തില്‍ മൂവാറ്റുപുഴ സ്വദേശിനിക്ക് സ്വര്‍ണം. 80 കിലോക്ക് മുകളിലുള്ള വിഭാഗത്തില്‍ ഇടതുകൈക്ക് വെള്ളിമെഡലും വലതു കൈക്ക് സ്വര്‍ണമെഡലും നേടിയാണ് 55കാരിയായ മൂവാറ്റുപുഴ സ്വദേശിനി ഫെസി മോട്ടി ഒന്നാമതായത്.
മൂവാറ്റുപുഴ കാട്ടുകുടിയില്‍ പരേതനായ ജോര്‍ജിന്‍റെയും കുഞ്ഞമ്മ ജോര്‍ജിന്‍റെയും മകളും അന്തരിച്ച മുൻ കോണ്‍ഗ്രസ് നേതാവ് പി.പി. മോട്ടിയുടെ ഭാര്യയുമാണ് ഫെസി മോട്ടി. 18 അംഗ സംഘമാണ് കേരളത്തില്‍നിന്നുള്ളത്. ഇതില്‍ രാജ്യത്തിനുവേണ്ടി സ്വര്‍ണം നേടാൻ കഴിഞ്ഞത് ഫെസിക്ക് മാത്രമാണ്.
2017ല്‍ തിരുവനന്തപുരത്ത് നടന്ന മാസ്റ്റേഴ്സ് അത്‌ലറ്റിക് സംസ്ഥാന മീറ്റില്‍ ഫെസി മൂന്ന് സ്വര്‍ണമെഡല്‍ നേടിയിരുന്നു. 45-50 പ്രായക്കാരുടെ വിഭാഗത്തില്‍ ഷോട്ട്പുട്ട്, ജാവലിന്‍ ത്രോ, ഹാമര്‍ ത്രോ മത്സരങ്ങളിലാണ് മെഡലുകള്‍ നേടിയത്. 2017ലും 2018ലും ഷോട്ട്പുട്ട്, ജാവലിന്‍ ത്രോ, ഹാമര്‍ ത്രോ മത്സരങ്ങളില്‍ ചാമ്ബ്യനാണ്. 2019ല്‍ മലേഷ്യയില്‍ നടന്ന ഏഷ്യന്‍ മാസ്റ്റേഴ്സ് മത്സരത്തില്‍ ഹാമര്‍ ത്രോയില്‍ നാലാംസ്ഥാനം നേടി.
ഒരു അഭിപ്രായം പോസ്റ്റ് ചെയ്യൂ