എറണാകുളം: കോതമംഗലത്ത് സ്കൂളില് നിന്നും ഓണസദ്യ കഴിച്ച വിദ്യാര്‍ത്ഥിക്ക് ഭക്ഷ്യവിഷബാധ ഏറ്റതായി പരാതി. കോതമംഗലം ഗ്രീൻവാലി പബ്ലിക് സ്കൂളില് നിന്നും സദ്യ കഴിച്ച കുട്ടികള്‍ക്കാണ് ഭക്ഷ്യവിഷബാധ ഏറ്റത്.
50 ഓളം കുട്ടികള്‍ വിവിധ ആശുപത്രികളില്‍ ചികിത്സ തേടി.
വെള്ളിയാഴ്ച സ്‌കൂളിലെ ഓണാഘോഷത്തിന്റെ ഭാഗമായാണ് കുട്ടികള്‍ ഓണസദ്യ കഴിച്ചത്. തുടര്‍ന്നുള്ള ദിവസങ്ങളില്‍ പനിയും ഛര്‍ദിയുമടക്കം ആരോഗ്യ പ്രശ്‌നങ്ങള്‍ കണ്ടതിനെ തുടര്‍ന്ന് സമീപത്തുള്ള ആശുപത്രികളില്‍ ചികിത്സ തേടുകയായിരുന്നു.
സ്കൂളില് നിന്നും കിട്ടിയ വെള്ളം കുടിച്ചാണ് കുട്ടികള്‍ക്ക് ആരോഗ്യപ്രശ്‌നങ്ങളുണ്ടായത് എന്നാണ് പ്രാഥമിക വിലയിരുത്തല്‍. 25 കുട്ടികള്‍ നിലവില്‍ ആശുപത്രിയില്‍ തുടരുകയാണ്. സംഭവത്തില്‍ മാതാപിതാക്കള്‍ ആരോഗ്യവകുപ്പിന് പരാതി നല്‍കിയിട്ടുണ്ട്.
ഒരു അഭിപ്രായം പോസ്റ്റ് ചെയ്യൂ