എസ്‌എഫ്‌ഐക്കെതിരെ വ്യാജ വാർത്തകള്‍ ചമയ്ക്കുന്ന മാധ്യമങ്ങളെ എസ്‌എഫ്‌ഐക്ക് സ്വാധീനമുള്ള ക്യാമ്ബസുകളിലേക്ക് ക്ഷണിച്ച്‌ എസ്‌എഫ്‌ഐ സംസ്ഥാന സെക്രട്ടറി പി എം ആർഷോ.
ഏതെങ്കിലും ഒരു കോളേജില്‍ ഇടിമുറിയുണ്ടെന്ന് കണ്ടെത്താൻ ആർഷോ മാധ്യമങ്ങളെ സ്വാഗതം ചെയ്‌തു. ഇടി മുറികളിലൂടെയല്ല എസ്‌എഫ്‌ഐ വളർന്നുവന്നതെന്ന് പറഞ്ഞ ആർഷോ മാനേജ്മെന്റ്കള്‍ തീർത്ത ഇടിമുറികള്‍ പൊളിക്കാൻ നേതൃത്വം കൊടുത്ത സംഘടനയാണ് എസ്‌എഫ്‌ഐയെന്നും വാർത്താ സമ്മേളനത്തില്‍ വ്യക്തമാക്കി.
‘സംഘടനാ പ്രവർത്തനത്തിനിടയില്‍ 35 പ്രവർത്തകർ നഷ്ടപ്പെട്ട സംഘടനയാണ് എസ് എഫ് ഐ.
നേതാക്കള്‍ കൊലപ്പെടുമ്ബോള്‍ ഇരന്നു വാങ്ങിയതാണ് എന്നാണ് പറയുന്നത്. കൊലപാതകത്തെ തള്ളിപ്പറയാൻ എന്തുകൊണ്ട് തയ്യാറാകുന്നില്ല. കോണ്‍ഗ്രസിനും കെഎസ്‌യുവിനും മാധ്യമങ്ങള്‍ വലിയ പ്രിവിലേജ് നല്‍കുന്നുണ്ട്. പൂക്കോട് സർവ്വകലാശാലയിലെ സിദ്ധാർത്ഥന്റെ മരണത്തിലെ റിപ്പോർട്ട് എന്തുകൊണ്ട് മാധ്യമങ്ങള്‍ നല്‍കിയില്ല? റിപ്പോർട്ടിലെ കണ്ടെത്തല്‍ നാട് അറിയണ്ടേ?’ ആർഷോ ചോദിച്ചു
‘പൂക്കോട് സർവകലാശാലയിലെ തെരഞ്ഞെടുപ്പില്‍ നേടിയ വിജയം വിദ്യാർത്ഥികള്‍ എസ്‌എഫ്‌ഐയെ മനസ്സിലാക്കിയത് കൊണ്ടാണ്. എന്നാല്‍ സർവ്വകലാശാലകളിലെ ഗവർണറുടെ ഇടപെടലിനെ രാഷ്ട്രീയപരമായും നിയമപരമായും നേരിടും. ജനാധിപത്യ രീതിയില്‍ അല്ല ഗവർണറുടെ ഇടപെടല്‍ നടക്കുന്നത്’, മാധ്യമങ്ങളോട് പ്രതികരിക്കുന്നതിനിടെ ആർഷോ കൂട്ടിച്ചേർത്തു.
ഒരു അഭിപ്രായം പോസ്റ്റ് ചെയ്യൂ