കണ്ണൂര്‍: തലശ്ശേരി ജനറല്‍ ആശുപത്രിയില്‍ ചികിത്സയിലായിരുന്ന 15കാരനെ പീഡിപ്പിക്കാന്‍ ശ്രമിച്ച സംഭവത്തില്‍ അറസ്റ്റിലായ ആശുപത്രി ജീവനക്കാരനെ സര്‍വീസില്‍ നിന്നും സസ്പെന്ഡ് ചെയ്തു.
ആശുപത്രിയിലെ ക്ലീനിംഗ് സ്റ്റാഫായ സി റമീസിനെ ആണ് അന്വേഷണ വിധേയമായി സസ്പെന്ഡ് ചെയ്തത്.
റമീസിന്റെ പ്രവൃത്തി ഗുരുതരമായ പെരുമാറ്റദൂഷ്യവും സര്‍ക്കാര്‍ജീവനക്കാരന് യോജിക്കാത്ത നടപടിയുമായതിനാല്‍ ജില്ലാ മെഡിക്കല്‍ ഓഫീസര്‍ ഡോ. എംപി ജീജയാണ് സസ്പെന്ഡ് ചെയ്തത്. ഡെപ്യൂട്ടി ഡിഎംഒ ഡോ. കെടി രേഖ ഇന്നലെ ജനറല്‍ ആശുപത്രിയിലെത്തി സംഭവം സംബന്ധിച്ച്‌ വിവരം ശേഖരിച്ചിട്ടുണ്ട്.
അറസ്റ്റിലായ റമീസ് ഇപ്പോള്‍ റിമാന്‍ഡിലാണ്.
ഇയാള്‍ക്കെതിരെ പോക്‌സോ നിയമപ്രകാരമാണ് കേസെടുത്തിരിക്കുന്നത്. ബുധനാഴ്ച ഉച്ചയോടെയാണ് സംഭവം. വയറുവേദനയെ തുടര്‍ന്ന് ചികിത്സയിലായിരുന്ന വിദ്യാര്‍ത്ഥിയെ പ്രതി ശൗചാലയത്തില്‍ കൊണ്ടുപോയി ലൈംഗിക
അതിക്രമത്തിന് ഇരയാക്കിയെന്നാണ് പരാതി. ശനിയാഴ്ചയാണ് വിദ്യാര്‍ത്ഥിയെ ആശുപുത്രിയില്‍ പ്രവേശിപ്പിക്കുന്നത്
ഒരു അഭിപ്രായം പോസ്റ്റ് ചെയ്യൂ